پاکستان مشن اقوام متحدہ نیویارک سے 2 سفارتی افسروں کا تبادلہ

الوداعی تقریب کا انعقاد

نیویارک (طاہر محمود چوہدری سے) پاکستان مشن نیویارک سے تبدیل ہونے والے دو سفارتی افسروں رابعہ اعجاز اور جبران خان درانی کے اعزاز میں ایک الوداعی تقریب کا اہتمام کیا گیا۔ اس موقع پر اقوام متحدہ میں پاکستان کے مستقل مندوب سفیر عاصم افتخار احمد نے پاکستان کے لیے مذکورہ افسروں کی خدمات، ان کی لگن، عزم اور کردار کو سراہا۔

یہ بھی پڑھیں: فیصل آباد میں جعلی ایس ایچ او اصلی پولیس کے ہتھے چڑھ گیا

سفير عاصم افتخار احمد کا پیغام

افتخار عاصم کا کہنا تھا کہ کثیرالجہتی ماحول میں کام کرنے کے اپنے چیلنجز ہوتے ہیں۔ دونوں افسروں نے مشن میں اپنی مدت ملازمت کے دوران پوری طرح سے اپنی پیشہ ورانہ ساکھ کو برقرار رکھا ہے۔ انہوں نے ان کے بہتر مستقبل کے لیے نیک خواہشات کا اظہار کیا۔

یہ بھی پڑھیں: کشمیر کو ہاتھ سے جاتا دیکھ کر بھارت نے کھلی جارحیت کا آغاز کر دیا، صدر ایوب خان نے قوم سے کہا بزدل دشمن پر کلمہ کا ورد کرتے ہوئے ٹوٹ پڑیں

نائب مستقل مندوب کی موجودگی

پاکستان کے نائب مستقل مندوب سفیر عثمان جدون نے سبکدوش ہونے والے اہلکاروں کی بے مثال خدمات کو سراہا اور مستقبل کے لیے نیک تمناؤں کا اظہار کیا۔ انہوں نے محمد عمران کو مشن میں شامل ہونے پر خوش آمدید کہا اور امید ظاہر کی کہ وہ اپنے پیشرؤں کے عظیم کام کو آگے بڑھاتے رہیں گے۔

شکریہ اور ترقی کی خبریں

جبران خان درانی اور رابعہ اعجاز نے مستقل مندوب اور مشن کے دیگر عملے کا شکریہ ادا کیا جنہوں نے گزشتہ برسوں کے دوران فرائض کی انجام دہی میں ان کے ساتھ تعاون کیا۔ واضح رہے کہ مس رابعہ اعجاز کو سیکنڈ سیکرٹری سے فرسٹ سیکرٹری میں ترقی دی گئی ہے۔ دونوں افسر نئی تقرریوں کے لیے وزارت خارجہ کو رپورٹ کریں گے۔