نرس کی بے حسی: نومولود کی جان جانے کی شرمناک داستان

واقعہ کی تفصیلات

نئی دہلی (ویب ڈیسک) بھارتی ریاست اترپردیش میں ایک نرس نے ٹپ نہ دینے پر بچہ والدین کے حوالے کرنے سے انکار کردیا اور جب بچہ ملا تو وہ مردہ حالت میں تھا۔

یہ بھی پڑھیں: بارک اوباما نے ڈونلڈ ٹرمپ کی کامیابی پر کیا کہا؟

نرس کا مطالبہ

ایکسپریس نیوز نے بھارتی میڈیا کے حوالے سے بتایا کہ ریاست اترپردیش کے شہر مین پوری کے مقامی ہسپتال کی نرس جیوتی بھدوریا نے بچے کی پیدائش پر مٹھائی کے نام پر 5100 روپے کا تقاضا کیا۔ رقم نہ دینے پر نرس نے نومولود کو والدین کے حوالے کرنے سے انکار کردیا۔ غریب والدین 40 منٹ کی تگ و دو کے بعد کسی سے رقم ادھار لے کر نرس کو پیسے دیئے اور بچہ مانگا۔

والدین کا تکلیف دہ تجربہ

جس پر نرس نے بتایا کہ بچہ لیبر روم کی میز پر ہے۔ جب والدین وہاں پہنچے تو بچے کو نیم مردہ حالت میں پایا۔ نرس نے بچے کو ٹیبل پر بغیر نہلائے دھلائے اور کسی احتیاطی تدبیر کے بغیر چھوڑ دیا تھا۔ والدین بچے کو دوسرے ہسپتال لے کر گئے جہاں نومولود کی موت کی تصدیق کردی گئی۔ نرس کے خلاف شکایت درج کرلی گئی جب کہ محکمہ صحت نے بھی تحقیقاتی ٹیم تشکیل دیدی۔