اجتماع اور امن عامہ کیس؛ پی ٹی آئی کارکنوں کو سزائیں سنا دی گئیں

اسلام آباد میں پی ٹی آئی کارکنان کے خلاف فیصلہ

اسلام آباد(ڈیلی پاکستان آن لائن) پی ٹی آئی کیخلاف اجتماع اور امن وعامہ ایکٹ2024 کے تحت درج کیس کا فیصلہ سنا دیا گیا۔

یہ بھی پڑھیں: ووٹ لیا ہے تو دلہن بھی ڈھونڈ کردیں، کارکن نے رکن اسمبلی کو روک کر مطالبہ کردیا

عدالتی کارروائی

نجی ٹی وی چینل جیو نیوز کے مطابق، ڈسٹرکٹ اینڈ سیشن کورٹ اسلام آباد نے تحریک انصاف کے 12 کارکنان کو چھ، چھ ماہ قید کی سزا سنا دی۔ تحریک انصاف کے ایک کارکن کو کیس سے بری کردیا گیا۔

مختلف مقدمات کی تفصیلات

پی ٹی آئی کے 13 کارکنان کو تین مختلف مقدمات میں نامزد کیا گیا تھا۔ جوڈیشل مجسٹریٹ مرید عباس نے 5 ملزمان کو سزا سنائی، جبکہ جوڈیشل مجسٹریٹ احمد شہزاد نے ایک ملزم کو بری کیا اور 7 کو سزا سنائی۔