وزیراعظم شہباز شریف کا 14 اگست یوم آزادی پر ای بائیک اسکیم کے باقاعدہ افتتاح کا اعلان

حکومت کی نئی اسکیم کا اعلان

اسلام آباد (ڈیلی پاکستان آن لائن) وفاقی حکومت نے درآمدی بل میں کمی اور ماحولیاتی چیلنجز سے نمٹنے کیلئے ماحول دوست الیکٹرک گاڑیوں اور موٹر سائیکلوں کے فروغ کے لئے ایک نئی اسکیم متعارف کروانے کا فیصلہ کیا ہے۔ حکومت نے ای بائیک سکیم کا مسودہ تیار کرلیا ہے، جس کا وزیراعظم شہباز شریف 14 اگست کو افتتاح کریں گے۔

یہ بھی پڑھیں: موت کے قریب شخص میں ظاہر ہونے والی خوفناک نشانیاں کیا ہیں؟ لازمی جانئے

سبسڈی کی تفصیلات

ذرائع کے مطابق الیکٹرک بائیکس پر سبسڈی کے لئے حکومت نے موجودہ بجٹ میں 9 ارب روپے مختص کر رکھے ہیں۔ حکومت الیکٹرک بائیکس پر 65 ہزار روپے سبسڈی دے گی جبکہ باقی رقم بینک بلا سود فراہم کریں گے۔ اس سکیم کے لئے آن لائن رجسٹریشن ہوگی، اور مقررہ حد سے زیادہ درخواستوں کی صورت میں قرعہ اندازی کی جائے گی۔

یہ بھی پڑھیں: سیلابی صورتحال، تھیم پارک سوسائٹی کے متاثرین کی عارضی خیمہ بستی میں آباد خاندان کے ہاں 8ویں بچے کی پیدائش

ایکسپریس نیوز کی رپورٹ

ایکسپریس نیوز کے مطابق حکام کا کہنا ہے کہ الیکٹرک وہیکلز پالیسی کے تحت 2030 تک ملک میں ای بائیکس کی تعداد کم از کم 20 لاکھ تک پہنچائی جائے گی۔ 53 ہزار 950 ای رکشے، 99 ہزار 155 کاریں، دو ہزار دو سو 38 بسیں اور دو ہزار نو سو چھیانوے ٹرک بھی دستیاب ہوں گے۔

مستقبل کے منصوبے

اگلے 5 سال میں مجموعی طور پر 22 لاکھ 13 ہزار 115 ای وہیکلز کا ہدف مقرر کیا گیا ہے۔ پہلے مرحلے میں ملک بھر میں 40 فاسٹ چارجنگ اسٹیشنز قائم ہوں گے، اور اسلام آباد کو الیکٹرک گاڑیوں کے حوالے سے ماڈل سٹی بنانے کا پلان ہے۔ وفاقی دارالحکومت کے تمام پیٹرول پمپوں پر چارجنگ پوائنٹس دستیاب ہوں گے۔