سی ایم انٹرن شپ پروگرام کے دوسرے مرحلے کا آغاز، زراعت کے گریجوٹس کے لیے خصوصی اسکالرشپ کا اعلان، ماہانہ کتنے ہزار روپے ملیں گے؟ جانیے

وزیراعلیٰ پنجاب کا ینگ ایگریکلچر گریجویٹس پروگرام

لاہور (ڈیلی پاکستان آن لائن) وزیراعلیٰ پنجاب مریم نواز کے ویژن کے مطابق ینگ ایگریکلچر گریجویٹس کے لیے منفرد پروگرام جاری ہے۔ وزیراعلیٰ پنجاب انٹرن شپ پروگرام کے دوسرے فیز کا آغاز کر دیا گیا۔

یہ بھی پڑھیں: امریکی عدالت نے ٹرمپ کے عائد کردہ ٹیرف غیر قانونی قرار دے دیے، امریکی صدر کا سخت ردعمل

پروگرام کی تفصیلات

ینگ ایگریکلچر گریجویٹس پروگرام سے 2ہزار گریجویٹ انٹرنز کو ماہانہ 60 ہزار روپے سکالر شپ دیا جائے گا۔ پروگرام کے تحت بی ایس سی ایگریکلچر اور بی ایس سی (آنرز) ایگریکلچر انجینئرنگ کرنے والے طلباء انٹرن شپ پروگرام کے اہل ہوں گے۔

یہ بھی پڑھیں: پاکستان نے مار گرائے رافیل کی فوٹیج بھارتی افسر سے کیسے حاصل کی؟ دلچسپ حقائق سامنے آگئے

درخواست کا طریقہ

ینگ ایگریکلچر گریجویٹس اپنے متعلقہ ضلع میں درخواست ڈپٹی ڈائریکٹر زراعت (توسیع) کے آفس میں جمع کرواسکتے ہیں۔ بی ایس سی ایگریکلچر اور بی ایس سی ایگریکلچرل انجینئرنگ گریجویٹس کے لیے ہر ضلع کا کوٹہ مقرر کیا گیا ہے۔ ایگریکلچرل انٹرن شپ پروگرام کیلئے ہیلپ لائن کو بھی فعال کر دیا گیا۔

یہ بھی پڑھیں: انسداد دہشتگردی کی عدالت نے پی ٹی آئی کارکنان کے جسمانی ریمانڈ کی استدعا پر فیصلہ سنا دیا

مریم نواز کا بیان

وزیراعلیٰ مریم نواز کا کہنا ہے کہ ایگریکلچر انٹرن شپ پروگرام سے نہ صرف کاشتکاروں کی معاونت کی جاتی ہے بلکہ نوجوانوں کو باعزت روزگار بھی مل رہا ہے۔ پنجاب میں کسان کارڈ پروگرام نے کامیابی کے نئے ریکارڈ قائم کر دیئے۔

دیگر اقدامات

کاشتکار بھائیوں کے لیے گرین ٹریکٹرز اور ٹیوب ویل سولرائزیشن پروگرام کامیابی سے جاری ہیں۔ کاشتکاروں کو تمام سہولتیں ایک ہی چھت تلے فراہم کرنے کے لیے ماڈل ایگریکلچر مال لارہے ہیں۔