لکی مروت، شمالی وزیرستان اور عمر کوٹ سے پولیو کا ایک ایک کیس سامنے آ گیا
پولیو کے نئے کیسز کی رپورٹ
اسلام آباد(ڈیلی پاکستان آن لائن) ملک میں پولیو کے 3 نئے کیسز سامنے آ گئے، جس کے بعد رواں سال ملک بھر سے رپورٹ پولیو کیسز کی تعداد 17 ہو گئی۔
یہ بھی پڑھیں: پاکستان سعودی عرب کو کسی ایگریمنٹ کی ضرورت نہیں، ہم ایک اور متحد ہیں، سعودی وزیر سرمایہ کاری
نئے کیسز کی تفصیلات
نجی ٹی وی چینل ہم نیوز کے مطابق قومی ادارہ صحت نے لکی مروت، شمالی وزیرستان اور عمر کوٹ سے ایک ایک نیا کیس رپورٹ ہونے کی تصدیق کر دی۔
ذرائع محکمہ صحت کے مطابق لکی مروت میں 15 ماہ، شمالی وزیرستان میں 6 ماہ کی بچی جبکہ سندھ کے ضلع عمرکوٹ میں 5 سال کا بچہ پولیو سے متاثر ہوا ہے۔
یہ بھی پڑھیں: جونیئر جناح ٹرسٹ کا برما ٹاؤن میں “زیرو آؤٹ آف اسکول چلڈرن” ماڈل پراجیکٹ کا آغاز، پہلے مرحلے میں 360 بچوں کی انرولمنٹ
صوبوں میں کیسز کی تقسیم
واضح رہے اس سال خیبر پختونخوا سے اب تک 10، سندھ سے 5، پنجاب اور گلگت بلتستان سے ایک ایک کیس رپورٹ ہو چکا ہے۔
والدین کا کردار
قومی ادارہ صحت کے مطابق پولیو کے خلاف جنگ میں والدین کا کردار انتہائی اہم ہے، ہر غیر ویکسینیٹڈ بچہ دوسروں کے لیے بھی خطرہ بن سکتا ہے۔
