خفیہ مقام پر حسن نصراللّٰہ کی تدفین، اسرائیلی حملوں کا خدشہ اور حزب اللّٰہ کی تردید

خبر کا پس منظر

بیروت (ویب ڈیسک) فرانسیسی خبر رساں ایجنسی نے حزب اللہ کے ذرائع کے حوالے سے بتایا ہے کہ شہید حسن نصراللہ کو عارضی طور پر ایک خفیہ مقام پر امانتاً دفن کردیا گیا ہے۔

یہ بھی پڑھیں: ملک میں سرمایہ کاری کے دروازے کھل گئے

حزب اللہ کی وضاحت

جیو نیوز نے عرب میڈیا کے حوالے سے بتایا کہ حزب اللہ ذرائع نے ان خبروں کی تردید کی ہے، جبکہ اے ایف پی کے مطابق ذرائع نے اپنی شناخت نہ ظاہر کرنے کی درخواست کی۔ انہوں نے کہا کہ، ’حسن نصر اللہ کی اجتماعی تدفین کے لیے مناسب حالات کا انتظار کیا جا رہا ہے کیونکہ اسرائیل کی جانب سے سوگواروں کے بڑے اجتماع اور تدفین کی جگہ کو نشانہ بنائے جانے کا خطرہ ہے۔

حقیقت کی تلاش

عرب میڈیا کے مطابق حزب اللہ کے ذرائع نے واضح کیا ہے کہ حسن نصر اللہ کو عارضی طور پر خفیہ مقام پر سپردِ خاک کرنے کی خبروں میں کوئی صداقت نہیں۔ اس حوالے سے کوئی فیصلہ ابھی تک نہیں کیا گیا۔ یاد رہے کہ چند روز قبل اسرائیل نے لبنان کے دارالحکومت بیروت میں حزب اللہ کے ہیڈ کوارٹر پر حملہ کر کے حسن نصر اللہ کو شہید کر دیا تھا۔