قومی کھلاڑیوں کے لیے خوشخبری، میڈلز جیتنے پر انعامی رقم میں بڑے اضافے کا اعلان

پاکستان سپورٹس بورڈ کی کیش ایوارڈ پالیسی 2024

لاہور (ڈیلی پاکستان آن لائن) پاکستان سپورٹس بورڈ نے کیش ایوارڈ پالیسی 2024 کی منظوری دیدی جس کے تحت انٹرنیشنل اور نیشنل ایونٹس میں میڈلز جیتنے والے کھلاڑیوں کے انعامات میں ریکارڈ اضافہ کیا گیا۔

یہ بھی پڑھیں: بیرسٹر گوہر علی خان اور سینیٹر فیصل واوڈا کا آمنا سامنا، خوشگوار ماحول میں بات چیت

نئی انعامات کی تفصیلات

نجی ٹی وی چینل ہم نیوز کے مطابق 34 ویں بورڈ اجلاس میں منظوری کے بعد ری وائزڈ کیش ایوارڈ پالیسی جاری کی گئی۔ اولمپکس میں گولڈ میڈل جیتنے پر انعامی رقم ایک کروڑ سے بڑھا کر تین کروڑ کر دی گئی۔

یہ بھی پڑھیں: جیل ریفارمز جاری، سپرنٹنڈنٹ جیل یا کوئی افسر ضابطے کے برخلاف کسی قیدی کو سزا نہیں دے سکے گا

اولمپکس اور دیگر ایونٹس کے انعامات

اولمپکس گولڈ پر 3 کروڑ، سلور پر 2 کروڑ 5 لاکھ اور کانسی کا میڈل جیتنے پر ایک کروڑ روپے انعام دیا جائے گا جبکہ ایشین گیمز، کامن ویلتھ گیمز، اسلامی یکجہتی گیمز میں گولڈ میڈل جیتنے پر 75 لاکھ انعام ملے گا۔

ساؤتھ ایشین گیمز اور جونیئر گیمز

پالیسی کے تحت ساؤتھ ایشین گیمز میں گولڈ میڈل پر 15 لاکھ انعام دیا جائے گا۔ یوتھ اور جونیئر گیمز کے لیے بھی انعامی رقم شامل کی گئی ہے، جس میں گولڈ پر 50 لاکھ روپے تک انعام ملے گا۔