سموگ تدارک کیس؛ ییلو ٹرین منصوبے پر تفصیلی رپورٹ طلب

لاہور ہائیکورٹ کا فیصلہ

لاہور(ڈیلی پاکستان آن لائن) سموگ کے تدارک کے لیے دائر درخواست پر لاہور ہائیکورٹ نے ییلو ٹرین منصوبے پر تفصیلی رپورٹ طلب کر لی۔ عدالت نے کہا کہ ایڈووکیٹ جنرل پنجاب ذاتی حیثیت میں رپورٹ سمیت پیش ہوں۔

یہ بھی پڑھیں: والدین و اساتذہ کا احترام اور عزت میں ہی کامیابی اور فلاح ہے: قونصل جنرل پاکستان خالد مجی

سموگ سے متعلق سماعت

نجی ٹی وی چینل دنیا نیوز کے مطابق سموگ کے تدارک کے لیے دائر درخواست پر ہائیکورٹ میں سماعت ہوئی، جسٹس شاہد کریم نے سموگ سے متعلق درخواست پر سماعت کی۔

یہ بھی پڑھیں: آئندہ مالی سال کے بجٹ میں کوئی نیا ٹیکس نہیں لگایا: پنجاب حکومت

سڑکوں کی بحالی کا حکم

لاہور کی 3 سڑکوں کے سروس روڈز کی بحالی کا حکم دیتے ہوئے عدالت نے کہا کہ ٹیپا سروس روڈز کی مرمت ایک ماہ میں مکمل کرے، جیل روڈ، مال روڈ، اور ایم ایم عالم روڈ کے سروس روڈز بحال کیے جائیں۔

یہ بھی پڑھیں: بھارتی حکومت کا فیصلہ کرکٹ بورڈ پر بھاری پڑ گیا، آن لائن گیمنگ بل کے بعد 358 کروڑ روپے کا اسپانسرشپ معاہدہ ختم کرنا پڑا۔

محکمہ ماحولیات کا مطالبہ

محکمہ ماحولیات سے ہیوی ٹریفک اور موٹر سائیکلوں سے متعلق پلان طلب کرتے ہوئے عدالت نے کہا کہ حکومت نے اتنی بڑی فورس بنا دی لیکن وہ کام کیا کر رہی ہے؟ حکومت نے فورس بنائی ہے تو فالو اپ بھی رکھے، فالو اپ عدالت نے تو نہیں لینا، حکومت نے اتنا پیسہ لگا کر فورس بنائی، فالو اپ بھی رکھے، وہ ای بائیکس جو لی تھیں وہ کہاں چل رہی ہیں؟ کیا ای بائیکس گھروں میں چل رہی ہیں؟

یہ بھی پڑھیں: راولپنڈی: فوڈ اتھارٹی کا گودام پر چھاپہ، 8ہزار کلو بدبودار اور مضر صحت گوشت برآمد

پالیسی سازی اور عدالتی نتائج

وکیل ای پی اے نے کہا کہ پالیسی بنا رہے ہیں، جوڈیشل واٹر کمیشن سے شیئر کریں گے۔ عدالت نے کہا کہ ملتان میٹرو بس پر اربوں روپے ضائع کیے گئے، ییلو ٹرین پر اعتراض نہیں، انٹرنیشنل ماہرین شامل کریں۔ امید ہے کہ کینال روڈ منصوبے پر حکومت حساس ہوگی۔

یہ بھی پڑھیں: مشرق وسطیٰ کشیدگی؛ پاکستان کے 6ایئرپورٹس سے 52پروازیں منسوخ

واسا کی کارکردگی

عدالت نے واسا کو جمعہ تک کام مکمل کرنے کا حکم دیتے ہوئے کہا کہ اگر کام مکمل نہ ہوا تو واسا کیخلاف کارروائی ہوگی۔ واسا نے لاہور میں کھدائی شروع کی تھی، کہاں تک پہنچی؟ واسا نے برسات سے قبل یہ سب کام مکمل کرنا تھا، ممبر جوڈیشل واٹر کمیشن نے کہا کہ واسا کا کام ابھی تک مکمل نہیں ہوا۔

اگلی سماعت کا اعلان

عدالت نے ییلو ٹرین منصوبے پر تفصیلی رپورٹ طلب کر لی، ایڈووکیٹ جنرل پنجاب کو ذاتی حیثیت میں حاضر ہونے کا حکم دیا۔ عدالت نے واسا کے ڈی کو بھی ذاتی حیثیت میں طلب کر لیا، اور کہا کہ واسا کے ڈی جی تعمیراتی کام سے متعلق آ کر آگاہ کریں۔ عدالت نے سماعت یکم اگست تک ملتوی کردی۔