آپریشن سندور کی ناکامی، بھارت نے آپریشن مہادیو کے نام پر فیک انکاؤنٹرز شروع کردیئے، کن کو نشانہ بنایا جا رہا ہے؟ تہلکہ خیز انکشافات

بھارت کا نئے آپریشن کا آغاز

لاہور (طیبہ بخاری سے) ’’آپریشن سندور‘‘ کی ناکامی کے بعد بھارت نے آپریشن مہادیو کے نام پر دوبارہ فیک انکاؤنٹرز شروع کر دیئے۔

یہ بھی پڑھیں: کئی بار ایسا ہوتا کہ وہ اپنی دنیا میں اتنے گم ہوتے کہ لاکھ آوازیں دو ہاتھ سے ہلاؤ مگر وہ جہاں پہنچے ہوتے وہاں سے دنیاوی بات یا آواز سنائی ہی نہیں دیتی تھی۔

نئے مذموم منصوبے کی تفصیلات

تفصیلات کے مطابق بھارت نے ’’آپریشن سندور‘‘ کی ناکامی پر پردہ ڈالنے کے لیے نیا مذموم فوجی منصوبہ ’’آپریشن مہادیو‘‘ شروع کر دیا ہے۔ اس منصوبے کے تحت غیر قانونی طور پر جبراً حراست میں رکھے گئے معصوم پاکستانیوں کو فیک انکاؤنٹرز میں استعمال کرنے کا منصوبہ بے نقاب ہوا ہے۔

یہ بھی پڑھیں: پی ٹی اے نے غیر قانونی ڈیجیٹل مواد پھیلانے پر 10لاکھ سے زائد ویب لنکس اور یو آر ایل بلاک کردیئے

آپریشن مہادیو کا مقصد

سکیورٹی ذرائع نے انکشاف کیا کہ ’’آپریشن مہادیو‘‘ کا مقصد نہ صرف مقبوضہ کشمیر میں بڑھتی ہوئی تحریکِ آزادی کو کچلنا ہے بلکہ اندرون ملک سیاسی ساکھ بحال کرنا بھی ہے۔ بھارت یہ کوشش کر رہا ہے کہ اسے ایک کامیاب فوجی مہم کے طور پر پیش کیا جائے، تاکہ ’’آپریشن سندور‘‘ کی خفت مٹائی جا سکے۔ پہلگام فالس فلیگ آپریشن کے فوری بعد بھی بھارتی فوج کی جانب سے فیک انکاؤنٹرز کا سلسلہ شروع کیا گیا تھا۔ اس سے پہلے بھی 24 اپریل کو آزاد جموں کشمیر کے 2 شہریوں محمد فاروق اور محمد دین کو غلطی سے بارڈر کراس کرنے پر بھارتی فوج نے بہیمانہ طور پر انکاؤنٹر میں شہید کر دیا تھا۔

یہ بھی پڑھیں: آئندہ چند دن میں بتائیں گے کہ کس طرح ملک کا دفاع کر سکتے ہیں، خواجہ آصف

پاکستان کے خلاف کارروائیاں

سکیورٹی ذرائع نے یہ بھی انکشاف کیا کہ منصوبے کے تحت مختلف جیلوں میں قید افراد کو مارنے کے بعد پاکستان کی طرف سے سرحد پار دہشت گرد قرار دیا جائے گا۔ 29 اور 30 اپریل کو ڈی جی آئی ایس پی آر اپنی پریس کانفرنسز میں پہلے ہی 723 پاکستانی افراد جو مختلف بھارتی جیلوں میں غیر قانونی طور پر بند ہیں، کی تفصیلات بتا چکے ہیں۔ اس کے علاوہ 56 ایسے پاکستانی افراد بھی ہیں جو بھارتی خفیہ ایجنسیوں نے غیر قانونی اور جبراً اپنی حراست میں رکھے ہیں۔ ان 56 افراد کی تفصیلات بھی ڈی جی آئی ایس پی آر نے اپنی 29 اور 30 اپریل کی پریس کانفرنسز میں بتائی ہیں۔ حسب روایت فیک انکاؤنٹرز کے فوری بعد بھارتی میڈیا کو پہلے ہی سے ان افراد کی لاشیں اور پلانٹڈ ہتھیاروں کی ویڈیوز اور تصویریں شیئر کی جا رہی ہیں۔

یہ بھی پڑھیں: کوئی شہزادہ آئے اور مجھے بگی پر بٹھا کر لے جائے، اداکارہ حریم فاروق کی معصومانہ خواہش

پاکستان کے خلاف بیانات کی تیاری

سکیورٹی ذرائع نے مصدقہ اطلاعات کے مطابق بتایا کہ غیر قانونی طور پر حراست میں رکھے گئے افراد کو زندہ دہشت گرد ظاہر کر کے میڈیا کے سامنے پاکستان مخالف بیانات اور اعتراف جرم کے بیان بھی دلوائے جا سکتے ہیں۔ ان بھارتی حراست میں رکھے گئے افراد کو کسی بھی وقت پاکستان کے خلاف ہرزہ سرائی اور جارحیت کرنے کے لیے استعمال کیا جا سکتا ہے۔

بھارتی فوج کی بدنامی

بھارتی فوج مقبوضہ کشمیر میں فیک انکاؤنٹر اسپیشلسٹ کے طور پر بدنام زمانہ ہے۔ ’’آپریشن مہادیو‘‘ بھارتی فوج کی جانب سے فیک انکاؤنٹرز کا تسلسل ہے۔ پہلگام فالس فلیگ اور آپریشن سندور کی ناکامی کے بعد بھارت مکمل طور پر بوکھلا چکا ہے۔