اعجاز چودھری، احمد خان بھچر، احمد چٹھہ نااہل قرار، الیکشن کمیشن نے تینوں نشستیں خالی قرار دے دیں

اسلام آباد (ڈیلی پاکستان آن لائن) الیکشن کمیشن نے پاکستان تحریک انصاف کے 3 ممبر صوبائی اسمبلی اعجاز چودھری، احمد خان بھچر اور احمد چٹھہ کو نااہل قرار دے دیا۔

نااہلی کا نوٹیفکیشن

الیکشن کمیشن نے تینوں رہنماوں کی نااہلی کا نوٹیفکیشن جاری کردیا ہے جس میں کہا گیا ہے کہ اے ٹی سی نے سینیٹر اعجاز چودھری کو 10 سال کی سزا سنائی ہے۔ انسداد دہشت گردی عدالت کے فیصلوں کے بعد نااہل قرار دیا گیا ہے۔

دیگر رہنماوں کی نااہلی

این اے 66 وزیر آباد سے احمد چٹھہ اور پی پی 87 میانوالی سے احمد خان بھچر کو بھی نااہل قرار دیا گیا۔ نوٹیفکیشن کے مطابق الیکشن کمیشن نے تینوں نشستیں خالی قرار دے دی ہیں۔