وزیراعظم شہباز شریف نے لاہور سے کراچی بزنس ٹرین کا افتتاح کر دیا

پاکستان ریلوے کی بزنس ٹرین کا افتتاح

لاہور (ڈیلی پاکستان آن لائن) پاکستان ریلوے کی لاہور سے کراچی بزنس ٹرین کی افتتاحی تقریب ریلوے سٹیشن پر منعقد ہوئی۔ وزیر اعظم شہباز شریف نے بطور مہمان خصوصی شرکت کی اور بزنس ٹرین کا افتتاح کیا۔

یہ بھی پڑھیں: حلف نہ اٹھانے پر مراد سعید کی رکنیت ختم نہیں ہو گی، قانون میں گنجائش موجود ہے، مجیب الرحمان شامی

ریلوے کی کارکردگی کا جائزہ

وفاقی وزیر ریلوے حنیف عباسی نے وزیر اعظم شہباز شریف کو ریلوے کی کارکردگی پر بریفنگ دی، جس میں بتایا گیا کہ بزنس ٹرین میں بہترین سفری خدمات کی فراہمی کو یقینی بنایا گیا ہے۔ بزنس ٹرین میں عالمی معیار کی سٹنگز، کچن، اور ڈائیننگ ایریاز کی سہولت دستیاب ہوگی۔ انہوں نے مزید بتایا کہ پاکستان ریلوے کو آمدن میں گزشتہ مالی سال 93 ارب کا منافع کمایا گیا ہے۔ اس کے علاوہ، پاکستان ریلوے اور پنجاب حکومت لاہور سے راولپنڈی تک بلٹ ٹرین بھی شروع کرنے جا رہے ہیں۔

وزیر اعظم کا خطاب

اس موقع پر وزیر اعظم شہباز شریف نے خطاب کرتے ہوئے کہا کہ لاہور ریلوے اسٹیشن آمد پر خوشگوار حیرت ہوئی، یہاں آنے والے مسافروں کے لیے سہولیات بہتر بنائی گئی ہیں۔ ٹکٹ کا پرانا نظام ختم کر دیا گیا ہے، اور ریلوے نظام کو ڈیجیٹائز کیا جا رہا ہے۔ یورپ کی طرز پر پاکستان بزنس ایکسپریس کو جس انداز میں بہتر بنایا گیا ہے، اس پر ریلوے کے اعلیٰ حکام داد کے مستحق ہیں۔ وزیراعظم شہباز شریف نے مزید کہا کہ ریلوے کا بنیادی کام عام مسافر کو سہولیات فراہم کرنا ہے۔ ریلوے ٹریک کو بہتر بنانا اور ٹکٹس کے حصول میں لوگوں کو مشکلات پیش نہیں آنی چاہئیں۔