برانز میڈل جیتنے والی ٹیم کو آخرکار ڈیلی الائونس حاصل ہوا

پاکستان ٹیم کو ایشین ہاکی چیمپئنز ٹرافی میں کامیابی

لاہور(آئی این پی) چین میں منعقدہ ایشین ہاکی چیمپئنز ٹرافی میں برانز میڈل جیتنے والی پاکستان ٹیم کو بالآخر ڈیلی الائونس ادا کردیا گیا۔

یہ بھی پڑھیں: انڈونیشیا میں آئی فون 16 کی فروخت پر پابندی عائد

ڈیلی الائونس کی ادائیگی

میڈیا رپورٹس کے مطابق پاکستان اسپورٹس بورڈ(پی ایس بی) سے فنڈز ادائیگی کے بعد ہاکی فیڈریشن نے چیمپئینز ٹرافی کیلئے لگائے گئے 25 دنوں کے کیمپ کا ڈیلی الائونس 50 ہزار فی کھلاڑی ادا کردیا ہے۔ اس سے قبل کھلاڑیوں کو 3 ہزار روپے ڈیلی الائونس دینے کا کہا گیا تھا جس پر فیڈریشن کا کہنا تھا کہ یہ پالیسی یکم جنوری 2025 سے لاگو ہوگی۔

انٹرنیشنل ڈیلی الائونس کی توقعات

قومی کھلاڑیوں کا ایشین چیمپئنز ٹرافی کا انٹرنیشنل ڈیلی الائونس ابھی واجب الادا ہے، کھلاڑیوں کو 20 ہزار روپے کے حساب سے ڈیلی الائونس دیا جائے گا۔ واضح رہے کہ ایشین ہاکی چیمپئینز ٹرافی میں قومی ٹیم نے شاندار کھیل کا مظاہرہ کرتے ہوئے برانز میڈل اپنے نام کیا تھا۔