دورہ ویسٹ انڈیز: قومی ٹیم کا فاتحانہ آغاز، کالی آندھی کو پہلے ٹی 20 میں شکست

پاکستان نے ویسٹ انڈیز کو شکست دی

لاڈر ہل(ڈیلی پاکستان آن لائن) قومی ٹیم نے ویسٹ انڈیز کو پہلے ٹی 20 میں 14 رنز سے شکست دیکر سیریز کا فاتحانہ آغاز کر لیا۔

یہ بھی پڑھیں: 1. 9 مئی کے کیس میں شاہ محمود قریشی بری، یاسمین راشد، میاں محمود الرشید کو 10، 10 سال قید کی سزا

میچ کا خلاصہ

پاکستان کے 179 رنز کے ہدف کے جواب میں ویسٹ ایڈیز کی ٹیم مقررہ 20 اوورز میں 7 وکٹوں کے نقصان پر 164 رنز بنا سکی۔

یہ بھی پڑھیں: کشیدہ صورتحال، علی امین گنڈا پور کی ہدایت پر کرم کیلئے ہیلی کاپٹر سروس شروع

پاکستان کی بیٹنگ

قبل ازیں امریکی ریاست فلوریڈا کے شہر لاڈرہل میں کھیلے گئے میچ میں ویسٹ انڈین کپتان شائے ہوپ نے ٹاس جیت کر پاکستان کو بیٹنگ کی دعوت دی۔ پاکستان نے مقررہ 20 اوورز میں 6 وکٹوں کے نقصان پر 178 رنز بنائے، صائم ایوب 57 اور فخر زمان 28 رنز کے ساتھ نمایاں رہے۔

حسن نواز نے 24 رنز کی انگز کھیلی جبکہ فہیم اشرف 16 اور صاحبزادہ فرحان 14 رنز بنا سکے۔ کپتان سلمان علی آغا 11 اور محمد حارث 6 رنز کے ساتھ ناٹ آؤٹ رہے۔ ویسٹ انڈیز کی جانب سے شیمارجوزف نے 3 وکٹیں حاصل کیں جبکہ جیسن ہولڈر، عقیل حسین اور شیفرڈ نے ایک، ایک کھلاڑی کو آؤٹ کیا۔

یہ بھی پڑھیں: چین: ریسٹورنٹ میں آتشزدگی سے 22 افراد ہلاک

ویسٹ انڈیز کی باری

179 رنز کے ہدف کے تعاقب میں میزبان ویسٹ انڈیز کی جانب سے جانسن چارلس اور جیول اینڈریو 35، 35 رنز کے ساتھ نمایاں رہے جبکہ کپتان شائے ہوپ صرف 2 رن ہی بنا سکے۔ ان کے علاوہ گدیش موتی صفر، شرفین ردرفورڈ 11، روسٹن چیز 5 اور ریموریو شیفرڈ نے 12 رنز بنائے۔

جیسن ہولڈر 30 اور شمار جوزف 21 رنز بنا کر ناٹ آؤٹ رہے۔ جبکہ پاکستان کی طرف سے محمد نواز نے 3 اور صائم ایوب نے 2 وکٹیں حاصل کیں، جبکہ شاہین آفریدی اور سفیان مقیم کے حصے میں ایک ایک وکٹ آئی۔

یہ بھی پڑھیں: Peshawar High Court Halts Anti-Corruption Action Against Mahmood Khan

مین آف دی میچ

پاکستان کے جارح مزاج بیٹر صائم ایوب کو بہترین آل راؤنڈ کارکردگی کی بنا پر مین آف دی میچ قرار دیا گیا ہے۔ انہوں نے 38 گیندوں پر 57 رنز کی ناقابل شکست باری کھیلی اور 20 رنز دیکر ویسٹ انڈیز کے 2 کھلاڑیوں کو واپسی کی راہ بھی دکھائی۔

یہ بھی پڑھیں: بانی پی ٹی آئی کے اپنے بچوں کو پاکستان آنے سے روکنے پر خواجہ آصف کا ردِعمل

قومی ٹیم کی تفصیلات

ویسٹ انڈیز کے خلاف پہلے ٹی 20 کیلئے پاکستانی ٹیم میں صاحبزادہ فرحان، صائم ایوب، فخر زمان، محمد حارث (وکٹ کیپر)، سلمان علی آغا (کپتان) شامل تھے۔ اس کے علاوہ حسن نواز، محمد نواز، فہیم اشرف، شاہین آفریدی، حارث رؤف اور سفیان مقیم بھی پلیئنگ الیون کا حصہ تھے۔

ویسٹ انڈیز ٹیم کی تفصیلات

میزبان ویسٹ انڈیز کی ٹیم کپتان شائے ہوپ، جانسن چارلس، جیول اینڈریو، گدیش موتی، شرفین ردرفورڈ، روسٹن چیز، ریموریو شیفرڈ، جیسن ہولڈ، عقیل حسین، جیدہ بلیڈز اور شمار جوزف پر مشتمل تھی۔