آئین و قانون سے ہی ملکی مسائل حل اور ناانصافیوں کو ختم کرنا ہوگا، شاہد خاقان عباسی

شاہد خاقان عباسی کی تنقید

اسلام آباد(ڈیلی پاکستان آن لائن) سابق وزیراعظم اور سربراہ عوام پاکستان پارٹی شاہد خاقان عباسی نے کہا ہے کہ ملک میں کوئی قانون، انصاف اور عدالت نہیں ہے۔

یہ بھی پڑھیں: سعودی عرب میں 23 ستمبر کو قومی دن پر عام تعطیل اور شایان شان جشن منانے کا اعلان

احتجاج کا اظہار

وفاقی دارالحکومت میں کل جماعتی کانفرنس سے خطاب کرتے ہوئے شاہد خاقان عباسی کا کہنا تھا کہ حکومت یہاں ملک کے شہریوں کو ان کا حق دینے کو تیار نہیں، آج کیوں اس ملک کے نوجوان بندوق اٹھاتے ہیں؟ آج بلوچستان اور فاٹا میں کیا حالات ہیں۔

یہ بھی پڑھیں: مجوزہ 27ویں آئینی ترمیم کے مسودے میں صدرِ مملکت کو تاحیات گرفتاری اور مقدمات سے استثنیٰ دینے کی شق شامل ، پیپلز پارٹی کا مطالبہ منظور۔

معاشی مسائل

آج ضم شدہ اضلاع کو وہ رقم بھی نہیں ملی جو سابق فاٹا کا حصہ ہوا کرتی تھی، ملک میں کوئی قانون، انصاف اور عدالت نہیں ہے۔ یہاں کوئی بھی جو مرضی کرلے کوئی پوچھنے والا نہیں۔

یہ بھی پڑھیں: ملک کے 20 اضلاع کے 25 سیوریج سیمپلز میں پولیو وائرس ون کی تصدیق

جماعتی انصاف

سربراہ عوام پاکستان کا کہنا تھا کہ ایک جماعت کی لیڈر شپ کو 10،10 اور بیس بیس سال کی سزائیں دے دی گئیں، یہاں بند عدالتیں اور بند فیصلے ہوتے ہیں، یہ ملک کیسے چلے گا اس کا آج کسی کو کوئی احساس نہیں۔

یہ بھی پڑھیں: فی الحال بانی پی ٹی آئی کی رہائی کا کوئی امکان نہیں، عطا تارڑ

آئینی حل کی ضرورت

آئین و قانون سے ہی ملکی مسائل حل کیے جا سکتے ہیں، اس کے علاوہ اور کوئی راستہ نہیں ہے، ملک میں ناانصافیوں کو ختم کرنا ہوگا۔

عوام کی حالت

ملک کے عوام غریب سے غریب ہوتے جا رہے ہیں، یہاں اشرافیہ امیر سے امیر ہوتی جا رہی ہے، چینی کی ایکسپورٹ شروع ہوتے ہی قیمتیں بڑھ گئیں، کسان کو ایک پیسے کا فائدہ نہیں۔