وزیراعلیٰ مریم نواز کی کارکردگی کے باقی صوبے بھی معترف ہیں،رانا ثنااللہ

رانا ثنااللہ کا بیان

لاہور (ڈیلی پاکستان آن لائن) صدر مسلم لیگ ن پنجاب رانا ثنااللہ کا کہنا ہے کہ مریم نواز کی کارکردگی کے باقی صوبے بھی معترف ہیں اور پنجاب میں پارٹی کی مقبولیت بڑھ رہی ہے۔

یہ بھی پڑھیں: کسٹمز نے پی ٹی آئی کے سینئر رہنما کی ویگو گاڑی ضبط کرلی

پارٹی کا اجلاس

انہوں نے یہ بات اپنی زیر صدارت پارٹی اجلاس کے دوران کہی، جس میں تمام ڈویژنل کوآرڈی نیٹرز اور تنظیمی عہدیداروں نے شرکت کی۔

یہ بھی پڑھیں: الیکٹریکل گاڑیوں کے حوالے سے اہم فیصلہ

اجلاس کے موضوعات

اجلاس میں تنظیمی عہدیداروں سے ضمنی انتخابات اور متوقع بلدیاتی انتخابات پر رائے لی گئی۔ تنظیمی عہدیداروں نے وفاق اور پنجاب کی حکومتوں پر مکمل اعتماد کا اظہار کیا۔ اس موقع پر رانا ثنا اللہ کا کہنا تھا کہ پنجاب حکومت کے تمام اقدامات اور فلاحی پروگرام عام آدمی سے متعلق ہیں۔ مریم نواز کی کارکردگی کی بدولت پنجاب میں پارٹی کی مقبولیت بڑھ رہی ہے۔

یہ بھی پڑھیں: اقوام متحدہ میں ایرانی مشن کا اہم بیان آ گیا

وفاقی حکومت کی مدد

انہوں نے کہا کہ وفاقی حکومت کی بھی اللہ تعالی نے بہت مدد فرمائی ہے، وزیراعظم ملکی وقار بحال کرنے کیلئے دن رات محنت کر رہے ہیں۔

یہ بھی پڑھیں: پنجاب : سی ٹی ڈی کی مختلف شہروں میں کارروائیاں، 34 دہشت گرد گرفتار

خارجہ پالیسی کی کامیابیاں

رانا ثنا اللہ نے کہا کہ حکومت کی خارجہ پالیسی کامیابیوں سے ہمکنار ہو رہی ہے، پاکستان نے بھارت کے خلاف اللہ کی مدد سے بڑی فتح حاصل کی، پاکستان کی تاریخی فتح کی پوری دنیا میں گونج ہے۔

نوازشریف کی قیادت

صدر ن لیگ پنجاب نے کہا کہ نوازشریف کی قیادت میں ن لیگ ایک مرتبہ پھر پاکستان کو بحرانوں سے نکال رہی ہے۔