قوم 14 اگست کو آزادی کا جشن منائے گی، فتنے گروہ شرانگیزی کی منصوبہ بندی کر رہا ہے: عظمیٰ بخاری

وزیر اطلاعات و ثقافت کی کال

لاہور(ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے کہا ہے کہ قوم 14 اگست کو یومِ آزادی اور آپریشن بنیان و مرصوص کی کامیابی پر بھرپور جوش و خروش سے جشن منائے گی، جبکہ فتنہ پارٹی شرپسندی اور انتشار پھیلانے کی منصوبہ بندی کر رہی ہے۔ یہ بدقسمتی ہے کہ ایک مخصوص ٹولہ ہر قومی دن کو سیاست کی نذر کر دیتا ہے۔

یہ بھی پڑھیں: اسرائیل اور ایران دونوں نے سیز فائر کی خلاف ورزی کی ہے: ڈونلڈ ٹرمپ

محب وطن جماعت کا ایجنڈا

عظمیٰ بخاری نے کہا کہ قومی دن پر احتجاج کرنا کسی محب وطن جماعت کا ایجنڈا نہیں ہو سکتا۔ یہ وہی 2014 کے دھرنوں کی پیداوار جماعت ہے جس نے احتجاج اور دھرنوں کو اپنا مشغلہ بنا لیا ہے۔ اس جماعت کے نزدیک نہ کوئی قومی دن محترم ہے اور نہ ہی کوئی مذہبی تہوار۔ وزیر اطلاعات نے واضح کیا کہ اگر کسی نے قانون کو ہاتھ میں لینے کی کوشش کی تو قانون حرکت میں آئے گا۔ پنجاب میں 5 اگست کو بھی کوئی احتجاجی ریلا باہر نہیں آیا تھا اور اب بھی عوام ان کے ساتھ نہیں نکلیں گے، کیونکہ پنجاب اور خیبرپختونخوا کے عوام اس منفی سیاست سے تنگ آ چکے ہیں۔

یہ بھی پڑھیں: پاکستان سے شکست، بھارتی چیفس آف ڈیفنس سٹاف عوام کو کرکٹ کی مثالوں سے تسلیاں دینے لگے

پی ٹی آئی کو انتباہ

عظمیٰ بخاری نے پی ٹی آئی کو تنبیہ کرتے ہوئے کہا کہ بہتر یہی ہے کہ 14 اگست کے روز کا احتجاج ملتوی کر دیا جائے۔ کبھی تو حب الوطنی کا مظاہرہ کر لیں، اگر واقعی پاکستانیت اور انسانیت کا کوئی جذبہ باقی ہے۔ قیدی نمبر 420 کی ہر بات پر لبیک کہنے والا ٹولہ جہالت کی آخری حدوں کو چھو چکا ہے، مگر قوم اب ان کی اصلیت جان چکی ہے اور اس سیاست کو مسترد کر چکی ہے۔

امن اور اتحاد کا پیغام

وزیر اطلاعات پنجاب نے کہا کہ عوام کی خوشیوں کو خراب کرنے کی اجازت کسی فسادی ٹولے کو نہیں دی جائے گی۔ 14 اگست کو ملک بھر میں پرامن اور متحد پاکستان کا پیغام جائے گا، جبکہ فتنہ پرور عناصر ایک بار پھر ناکام ہوں گے.