رونالڈو نے اپنی گرل فرینڈ جارجینا روڈریگز کے ساتھ منگنی کر لی

کرسٹیانو رونالڈو کی منگنی

ریاض (ڈیلی پاکستان آن لائن) 9 سال کے طویل سفرِ محبت کے بعد دنیا کے معروف فٹبالر کرسٹیانو رونالڈو نے آخرکار اپنی دیرینہ ساتھی جارجینا روڈریگز سے منگنی کرلی۔

یہ بھی پڑھیں: ٹرمپ نے اسرائیلی حملوں سے قبل کئی بار نیتن یاہو سے بات کی، سی این این کا دعویٰ

منگنی کی تصویر

تفصیلات کے مطابق گزشتہ روز 31 سالہ جارجینا روڈریگز نے 40 سالہ کرسٹیانو رونالڈو کے ہمراہ ایک تصویر شیئر کی، جس میں ان کا ہاتھ رونالڈو کے ہاتھ پر رکھا ہوا ہے اور ان کی انگلی میں بڑی سی ہیرے کی انگوٹھی نمایاں ہے۔

یہ بھی پڑھیں: امارات میں پاکستان کے سفارت خانہ کا تمام پاکستانی شہریوں کو پرسکون رہنے اور قیاس آرائیوں سے گریز کرنے کا مشورہ

تصویر کا کیپشن

جارجینا روڈریگز نے تصویر کے کیپشن میں لکھا کہ ہاں، وہ مانتی ہیں، اس زندگی میں بھی اور اپنی تمام زندگیوں میں بھی۔ یہ جوڑا 2016 میں میڈرڈ کے گچی اسٹور میں ملاقات کے بعد سے ساتھ ہے، جہاں جارجینا ملازمت کر رہی تھیں۔

یہ بھی پڑھیں: لاہور اور کراچی کی فضائی حدود بحال، سول ایوی ایشن اتھارٹی نے نوٹم جاری کردیا

بچوں کی پرورش

دونوں کی دو بیٹیاں ہیں، جب کہ روڈریگز رونالڈو کے دیگر تین بچوں کی پرورش میں بھی مدد کر رہی ہیں۔ 2022 میں دونوں کے نوزائیدہ جڑواں بچوں میں سے ایک لڑکے کا انتقال ہوگیا تھا۔

یہ بھی پڑھیں: خیبرپختونخوا: نوجوانوں کیلئے قرضوں کے آن لائن پورٹل اور انٹرن شپ کا اجرا

انگوٹھی کی تفصیلات

جارجینا روڈریگز کی منگنی کی انگوٹھی ایک دلکش اوول کٹ ہیرے پر مشتمل ہے جو ایک نفیس بینڈ پر جڑی ہوئی ہے۔

یہ بھی پڑھیں: 15 جنوری کو پورے ملک میں عوامی ریفرنڈم ہوگا اور پھر چاروں صوبائی اسمبلیوں کی جانب مارچ کریں گے، امیر جماعت اسلامی نعیم الرحمان

ماہرین کا اندازہ

ہسپانوی میڈیا کے مطابق جیولری ماہرین کا اندازہ ہے کہ یہ پتھر 10 سے 15 کیرٹ وزنی ہے اور اس کی مالیت 10 سے 50 لاکھ ڈالر کے درمیان ہے۔ بعض جیولری ماہرین کا یہ بھی کہنا ہے کہ یہ انگوٹھی 25 سے 30 کیرٹ وزنی ہے، جب کہ مختلف ذرائع نے اس کی قیمت 20 لاکھ سے 50 لاکھ ڈالر کے درمیان بتائی ہے، جو اس کی شفافیت اور ڈیزائن پر منحصر ہے۔

کرسٹیانو رونالڈو کی موجودہ ٹیم

ریال میڈرڈ اور مانچسٹر یونائیٹڈ کے سابق اسٹار اس وقت سعودی عرب کے کلب النصر کے لیے کھیل رہے ہیں۔ انہوں نے حال ہی میں سعودی کلب کے ساتھ دو سال کی مدت میں 2027 کی گرمیوں تک کا معاہدہ بڑھایا ہے۔