لیسکو میں بہترین کارکردگی دکھانے والے افسران کے اعزاز میں تقریب، اہم شخصیات کی شرکت اور خطاب

لیسکو کی شاندار تقریب کا انعقاد

لاہور (ڈیلی پاکستان آن لائن) ایکسپو سنٹر لاہور میں لیسکو کے بہترین کارکردگی دکھانے والے افسران و ملازمین کے اعزاز میں ایک شاندار تقریب منعقد ہوئی۔ یہ تقریب وزیرِاعظم پاکستان میاں محمد شہباز شریف کے وژن، وفاقی وزیر توانائی سردار اویس احمد خان لغاری کی ہدایات اور ڈسکوز سپورٹ یونٹ کی رہنمائی میں مالی سال 25-2024 کے دوران شاندار کارکردگی کے اعتراف میں منعقد کی گئی۔

یہ بھی پڑھیں: بابراعظم کی فینز سے اُلجھنے کی وجہ بھی بالآخر سامنے آگئی

تقریب کے مہمانِ خصوصی

تقریب کے مہمانِ خصوصی چیئرمین بورڈ آف ڈائریکٹرز لیسکو عامر ضیاء اور چیف ایگزیکٹو لیسکو انجینئر محمد رمضان بٹ تھے، جنہوں نے معزز مہمانان، افسران اور ملازمین میں شیلڈز اور سرٹیفکیٹس تقسیم کیے۔

یہ بھی پڑھیں: جنگ بندی میں لبنان شامل ہے، ایرانی سپیکر نے لبنان میں جنگ بندی کے حوالے سے اپنا پرانا ٹویٹ بھی ری ٹویٹ کردیا

اعزازی شیلڈز کی پیشکش

تقریب میں معزز مہمانانِ گرامی کو اعزازی شیلڈز پیش کی گئیں جن میں احتشام خٹک (پراجیکٹ اینالسٹ اے ڈی بی)، افشاں سعید (کنسلٹنٹ اے ڈی بی)، بریگیڈیئر سید نیر عباس (سیکٹر کمانڈر رینجرز)، بلال صدیق کمیانہ (سی سی پی او لاہور)، اور لیسکو بورڈ کے ممبران طاہر بشارت چیمہ، محمد خالد خان اور رانا عبیداللہ انور شامل ہیں۔

یہ بھی پڑھیں: رول ماڈل بن کر درویشی کی زندگی بسر کرتے ہوئے صرف ملک و قوم کی خدمت کو اپنا شعار بنائیں، عوام سے کوئی بات نہ چھپائیں، اعتماد میں لیں

لیسکو کی حکمت عملی اور دیکھنے کے مقاصد

تقریب سے خطاب کرتے ہوئے محمد خالد خان (جوائنٹ سیکرٹری پاور ڈویژن) نے کہا کہ لیسکو کا مقصد شفاف، مستحکم اور صارف دوست توانائی نظام کا فروغ ہے۔ یہ ایوارڈز نہ صرف اعزاز ہیں بلکہ ذمہ داری کا احساس بھی دلاتے ہیں کہ ہم سب مل کر لیسکو کو مزید بہتر بنانے میں اپنا کردار ادا کریں۔

یہ بھی پڑھیں: اگر آپ کا کوئی پیارا گم ہو جائے تو پریشان ہونے کی ضرورت نہیں، اب پنجاب حکومت اسے ڈھونڈ کر لائے گی۔

ایوارڈز کا مقصد اور اہمیت

چیئرمین بورڈ آف ڈائریکٹرز لیسکو عامر ضیاء نے اپنے خطاب کے دوران کہا کہ وزیرِاعظم شہباز شریف کے وژن اور وفاقی وزیر توانائی سردار اویس احمد خان لغاری کی ہدایات کی روشنی میں لیسکو کے افسران و ملازمین نے اپنی محنت، پیشہ ورانہ مہارت اور لگن سے ادارے کی کارکردگی میں نمایاں بہتری پیدا کی ہے۔ یہ ایوارڈز ان کی خدمات کا اعتراف اور حوصلہ افزائی ہیں۔

یہ بھی پڑھیں: والدین کی طرف سے بچے کے دل و ذہن میں راسخ کیے گئے ندامت کے احساسات بڑے ہونے پر ختم نہیں ہوتے بلکہ مزید پختہ ہوئے ہوتے ہیں

چیف ایگزیکٹو کا بیان

چیف ایگزیکٹو لیسکو انجینئر محمد رمضان بٹ نے تقریب سے خطاب کرتے ہوئے کہا کہ لیسکو ہماری ماں ہے۔ لیسکو کی کامیابی کا راز ٹیم ورک اور محنت میں پوشیدہ ہے۔ لائن سٹاف ادارے میں ریڑھ کی ہڈی کی حیثیت رکھتا ہے۔ ہمارا مقصد ایک شفاف، مستحکم اور صارف دوست توانائی نظام کو فروغ دینا ہے۔

یہ بھی پڑھیں: تمام سگنلز ڈاؤن: راستہ خالی اور استقبال کے تمام انتظامات مکمل ہیں، اب گاڑی بلا خوف و خطر روانہ ہوسکتی ہے

لیسکو کی خدمات کی تعریف

لیسکو بورڈ ممبر طاہر بشارت چیمہ نے اپنے خطاب میں کہا کہ لیسکو کا ہر شعبہ ملک کی ترقی اور عوام کی خدمت میں اہم کردار ادا کر رہا ہے، اور ایسی تقریبات ملازمین میں خدمت کا جذبہ مزید بڑھاتی ہیں۔

شرکت کرنے والے افراد

تقریب میں میڈیا نمائندگان اور لیسکو کے مختلف شعبہ جات سے تعلق رکھنے والے اعلیٰ افسران و ملازمین نے بھی بھرپور شرکت کی۔