سی ایس ایس کے نتائج کا اعلان کر دیا گیا

سی ایس ایس امتحان کے نتائج کا اعلان

اسلام آ باد (ڈیلی پاکستان آن لائن) فیڈرل پبلک سروس کمیشن نے سی ایس ایس مقابلے کے تحریری امتحان برائے 2025 کے نتائج کا اعلان کر دیا۔

یہ بھی پڑھیں: سیاسی جماعتوں سے نمٹنے کا واحد راستہ مذاکرات ہی ہیں، خالد مقبول صدیقی

امیدواروں کی تعداد

فیڈرل پبلک سروس کمیشن کی جانب سے جاری کردہ پبلک نوٹس میں بتایا گیا ہے کہ امتحان میں 18 ہزار 139 امیدواروں نے درخواست دی تھی جن میں سے 12 ہزار 792 امیدوار شریک ہوئے، لیکن صرف 354 امیدوار کامیاب ہو سکے۔

یہ بھی پڑھیں: پنجاب میں سیلابی صورتحال، پی ڈی ایم اے نے بھارتی ڈیموں میں پانی کے ذخیرے کی تفصیلات جاری کردیں

کامیابی کا تناسب

اس طرح کامیابی کا تناسب محض 2 اعشاریہ 77 فیصد رہا۔ فیڈرل پبلک سروس کمیشن کے مطابق جن امیدواروں کے کیسز مسترد کیے گئے ہیں ان کے نتائج قواعد کے مطابق روک دیے گئے ہیں۔

آئندہ مراحل

فیڈرل پبلک سروس کمیشن کے مطابق کامیاب امیدواروں کو آئندہ مراحل کے لیے جلد مطلع کیا جائے گا، جن میں میڈیکل ٹیسٹ، نفسیاتی جائزہ اور زبانی امتحان (وائیوا ووائس) شامل ہیں۔