این اے 129 کا انتخابی معرکہ، نوازشریف نے سیاسی دھڑوں کو متحد کرنے کی ذمہ داری خواجہ سعد رفیق کو سونپ دی۔

مسلم لیگ (ن) کی حکمت عملی

لاہور (ڈیلی پاکستان آن لائن) قومی اسمبلی کے حلقہ این اے 129 میں ضمنی انتخاب کے سلسلے میں مسلم لیگ (ن) نوازشریف نے بڑے سیاسی دھڑوں کو متحد کرنے کی ذمہ داری خواجہ سعد رفیق کو سونپ دی۔

یہ بھی پڑھیں: کراچی: سندھ بلڈنگ کنٹرول اتھارٹی کے دفتر پر پولیس کا چھاپہ، 5 ڈائریکٹرز گرفتار

مصالحتی کوششیں

ذرائع کا کہنا ہے کہ خواجہ سعد رفیق کو این اے 129 کے چاروں دھڑوں میں مصالحت کرانے کی ہدایت کی گئی۔ خواجہ سعد رفیق قیادت کی ہدایت پر حافظ میاں نعمان، رانا مشہود، مہر اشتیاق اور چوہدری باقر سے ملاقات بھی کرچکے ہیں۔ ملاقات میں خواجہ سعد رفیق نے لیگی رہنماوں کو میاں نواز شریف کا پیغام پہنچایا۔

نواز شریف کی ہدایات

نواز شریف نے ہدایت دی کہ تمام رہنما اختلافات بالائے طاق رکھ کر ٹکٹ ہولڈر امیدوار میاں نعمان کی حمایت کریں۔ میاں نواز شریف کی ہدایت پر خواجہ سعد رفیق انتخابی مہم کے معاملات کی نگرانی بھی کریں گے。