پنجاب ہیلتھ کیئر کمیشن کا نجی ہسپتالوں میں کیمرے نصب کروانے کا حکم

پنجاب ہیلتھ کیئر کمیشن کا حکم

لاہور(ڈیلی پاکستان آن لائن) پنجاب ہیلتھ کیئر کمیشن نے نجی ہسپتالوں میں کیمرے نصب کرانے کا حکم دے دیا، جس کے لئے باقاعدہ مراسلہ جاری کر دیا گیا ہے۔

یہ بھی پڑھیں: امریکی سینٹر سے معاشقے کا دعویٰ کرنے والی لڑکی کو کس کام کی بھاری رقم ملتی تھی؟ ایسا انکشاف کہ آپ بھی سر پکڑ کر بیٹھ جائیں۔

کیمرے نصب کرنے کے مقامات

مراسلے کے مطابق اہم مقامات پر فعال کلوزڈ سرکٹ کیمرے نصب کیے جائیں۔ ایمرجنسی، آئی سی یو، نرسری اور ویٹنگ ایریاز میں کیمرے نصب ہوں گے۔ جبکہ داخلی راستوں اور راہداریوں پر بھی کیمروں کی تنصیب کی جائے۔

مریضوں کی شکایات کا مؤثر حل

مراسلے میں کہا گیا کہ مریضوں کی شکایات کے مؤثر حل کے لیے کیمرے نصب کیے جائیں۔ ریکارڈنگ کی تاریخ سے کم از کم اگلے 40 دن کے لیے فوٹیج کو محفوظ رکھا جائے۔ سی سی ٹی وی فوٹیج صرف قانونی وجوہات پر حوالے کی جائے گی۔ اور کیمرے نصب کرتے ہوئے مریضوں کی پرائیویسی کا خیال رکھا جائے۔