وزیراعظم کی خصوصی ہدایت پر پاکستان کی جانب سے غزہ کے لیے مزید امدادی سامان روانہ

پاکستان کی غزہ کے لیے امدادی کوششیں

لاہور/ اسلام آباد(ڈیلی پاکستان آن لائن) وزیراعظم کی خصوصی ہدایت پر پاکستان کی جانب سے غزہ کے لیے مزید امدادی سامان روانہ کر دیا گیا ہے۔

امدادی سامان کی تفصیلات

تفصیلات کے مطابق وزیراعظم محمد شہباز شریف کی خصوصی ہدایت پر غزہ کے لیے 100 ٹن امدادی سامان پر مشتمل 21ویں کھیپ علامہ اقبال انٹر نیشنل ایئر پورٹ لاہور سے خصوصی پرواز کے ذریعے روانہ کی گئی ہے۔ اس امدادی سامان میں راشن بیگز، تیار کھانا اور ڈبہ بند فروٹ شامل ہیں۔

نئی کھیپ کی روانگی

این ڈی ایم سے جاری بیان کے مطابق وزیراعظم کی ہدایت پر غزہ کے لیے مزید امدادی سامان کی فراہمی کا سلسلہ جاری ہے۔ حالیہ کھیپ میں مزید 412 ٹن امدادی سامان پانچ پروازوں کے ذریعے روانہ کیا گیا ہے۔

امدادی سامان کی مجموعی مقدار

اے پی پی کے مطابق 21ویں کھیپ میں 100 ٹن امدادی سامان شامل ہے، جس میں راشن بیگز، تیار کھانا اور ڈبہ بند فروٹ شامل ہیں۔ اب تک 21 امدادی کھیپوں کے ذریعے بھیجی گئی امداد کا مجموعی وزن 2027 ٹن ہے۔ قبل ازیں 23 اگست کو 100 ٹن امدادی سامان پر مشتمل 19ویں کھیپ لاہور جبکہ چوتھی کھیپ 12 ٹن سامان کے ساتھ اسلام آباد سے روانہ کی گئی۔

تقریب اور حکومتی عزم

سامان روانگی کی تقریب میں وفاقی وزیر برائے سمندر پار پاکستانی و انسانی ترقی چوہدری سالک حسین نے مہمان خصوصی کے طور پر شرکت کی۔ تقریب میں حکومتی نمائندے اور این ڈی ایم اے کے اعلی افسران بھی موجود تھے۔ وفاقی وزیر نے سامان کی فوری روانگی یقینی بنانے پر این ڈی ایم اے اور دیگر فلاحی اداروں کی کوششوں کو سراہا اور ان کا شکریہ ادا کیا۔ انہوں نے عزم کا اعادہ کیا کہ پاکستان اس مشکل وقت میں فلسطین کے عوام کے ساتھ کھڑا ہے اور ان کی ضروریات کو پورا کرنے کی ہر ممکن کوشش کرے گا۔