پی سی بی کا انڈر 15 سے انڈر 19 تک کے بچوں کے تعلیمی اخراجات اٹھانے کا فیصلہ

پاکستان کرکٹ بورڈ کا تعلیمی پروگرام

لاہور(ڈیلی پاکستان آن لائن)پاکستان کرکٹ بورڈ(پی سی بی) بچوں کے کرکٹ کے ساتھ ساتھ تعلیمی اخراجات بھی اٹھائے گا۔ پاکستان کرکٹ بورڈ انڈر 15 سے لے کر انڈر 19 تک کے بچوں کوکرکٹ کے ساتھ ساتھ تعلیم کی سہولت بھی دے گا۔

یہ بھی پڑھیں: ڈی چوک احتجاج میں گرفتار 20 پی ٹی آئی کارکنان جوڈیشل ریمانڈ پر جیل منتقل

اکیڈمی کی تفصیلات

نجی ٹی وی چینل ہم نیوزکے مطابق بچوں کو سال بھر کیلئے اکیڈمیز میں رکھا جائے گا اور ان کے تعلیمی اخراجات بھی پی سی بی اٹھائے گا۔ چاروں شہروں سیالکوٹ، فیصل آباد، ملتان اور کراچی کی اکیڈمیز میں بچے تعلیم حاصل کریں گے اور کرکٹ بھی سیکھیں گے۔

اکیڈمیز کی تفویض

سیالکوٹ اکیڈمی انڈر 15 بچوں کے لئے ہو گی، فیصل آباد انڈر17 اور ملتان اکیڈمی انڈر 19 کے بچوں کیلئے مختص ہوگی، ان اکیڈمیز کیلئے بچوں کا انتخاب ریجنل کرکٹ کی کارکردگی پر کیا جائے گا۔

اخراجات کا احاطہ

ان اکیڈمیز میں کرکٹ ٹریننگ کے ساتھ ساتھ بچوں کے سکول، کالج سمیت تمام اخراجات کرکٹ بورڈ اٹھائے گا۔ کراچی اکیڈمی پاکستان ویمن کرکٹرز سمیت شاہینز اور اے ٹیموں کی سرگرمیوں کیلئے مختص ہو گی۔