قبر سے 7 سالہ بچی کی میت غائب، ماموں دعا کے لیے آیا تو کفن باہر پڑا تھا

قبر سے 7 سالہ بچی کی میت غائب

راولپنڈی ( ڈیلی پاکستان آن لائن ) راولپنڈی کے تھانہ دھمیال کے علاقے گرجا میں قبر سے 7 سالہ بچی کی میت غائب ہو گئی۔

یہ بھی پڑھیں: کامیابی، مسرت اور ناموری چاہتے ہیں تو نرالا،انوکھا بلکہ مؤثر طریقہ یہ ہے کہ اسکی طلب سے دستبردار ہوجائیں، آپ پریشان اور مایوس نہیں ہونگے.

پولیس کو درخواست

’’جنگ‘‘ کے مطابق متوفی بچی کے والدین نے تھانہ دھمیال گرجا چوکی پولیس کو درخواست دیدی ہے۔ بچی کے ماموں کا کہنا ہے کہ بچی کا 26 اگست کو انتقال ہوا، تیسرے دن دعا کے لیے آئے تو کفن باہر پڑا تھا۔ علاقہ مکینوں نے اعلیٰ حکام سے واقعے کی تحقیقات کا مطالبہ کر دیا۔

پولیس کی کارروائی

دوسری جانب دھمیال پولیس نے قبر پر سیکیورٹی اہلکاروں کو تعینات کر دیا۔ پولیس کے مطابق ابتدائی طور پر بظاہر قبر کی بے حرمتی کے شواہد نہیں ملے، معزز عدالت کی اجازت سے قبر کشائی کی جائے گی۔ حقائق سامنے لانے کے لیے قبر کشائی کا پراسس کیا جا رہا ہے، قبر کشائی کے بعد قانون کے مطابق کارروائی عمل میں لائی جائے گی.