دریائے راوی میں شاہدرہ کے مقام پر آئندہ 4 سے 6 گھنٹے پانی کا دباؤ رہنے کی توقع ہے، ڈی جی پی ڈی ایم اے

دریائے راوی میں پانی کا دباؤ

لاہور(ڈیلی پاکستان آن لائن)— ڈائریکٹر جنرل پی ڈی ایم اے عرفان علی کاٹھیا کا کہنا ہے کہ دریائے راوی میں شاہدرہ کے مقام پر پانی کا دباؤ برقرار ہے۔ اگلے 4 سے 6 گھنٹے کے دوران پانی کا دباؤ برقرار رہنے کی توقع ہے۔ کچھ سوسائٹیز میں پانی آیا ہے، تاہم کوئی جانی نقصان نہیں ہوا ہے۔ ضلعی انتظامیہ پوری طرح متحرک ہے۔

یہ بھی پڑھیں: آئینی ترمیم کی ضرورت ؟

صوبے میں مشکل حالات

عرفان کاٹھیا نے مزید کہا کہ 26 اگست پنجاب کے لیے مشکل ترین دن تھا۔ دریائے راوی میں پانی کا بہاؤ تیز ہے، اور اس وقت چنیوٹ بریج سے ساڑھے 5 لاکھ کیوسک کا ریلا گزر رہا ہے۔ وقت آگیا ہے کہ پانی کی گزرگاہوں پر تمام راستوں کو خالی کرانا ہوگا۔

ماحولیاتی تبدیلی کے اثرات

عرفان کاٹھیا نے مزید کہا کہ کلائمٹ چینج ایک حقیقت ہے اور اس کے مطابق ہمیں چیزوں کو بہتر کرنا ہوگا۔