لاہور؛ خاتون سے زبردستی نکاح کروانے والے 3 ملزمان گرفتار

پولیس نے خاتون سے زبردستی نکاح کروانے والے ملزمان کو گرفتار کر لیا

لاہور(ڈیلی پاکستان آن لائن)راوی میں پولیس نے خاتون سے زبردستی نکاح کروانے والے 3 ملزمان کو گرفتار کر لیا۔

خاتون کی بازیابی اور اغوا کی تفصیلات

نجی ٹی وی چینل ایکسپریس نیوز کے مطابق موبائلز سکواڈ کی قانون شکن عناصر کے خلاف سائینٹیفک بنیادوں پر کارروائیاں جاری ہیں، شور کوٹ سے اغوا کی جانے والی خاتون کو بازیاب بھی کروا لیا گیا۔

پولیس کی کارروائی

ترجمان پولیس کے مطابق ملزمان گاڑی میں خاتون کو زبردستی اپنے ہمراہ لے جا رہے تھے، خاتون کے شور مچانے پر ناکہ انچارج نے گاڑی ڈرائیور کو رکنے کا اشارہ کیا لیکن ملزمان نے گاڑی بھگا دی، موثر حکمت عملی کے تحت راؤنڈ اَپ کرلیا۔

متاثرہ خاتون کی بیان

متاثرہ خاتون نے بتایا کہ تینوں ملزمان نے زبردستی مجھ سے نکاح نامے پر دستخط کروائے، میرا نکاح زبردستی ہیبت خان سے کروایا گیا۔

پولیس کی تحقیقات

ڈی ایس پی مبشر اعوان کے مطابق خاتون نے ناکہ انچارج کو اغوا اور جعلی نکاح کی روداد بیان کی، ملزمان نے آپسی رنجش کا بدلہ لینے کے لیے خاتون کو شورکوٹ سے اغوا کیا۔

قانونی کارروائی

ترجمان پولیس کے مطابق ناکہ انچارج و جوانوں کی حاضر دماغی نے خاتون کو اغوا ہونے سے بچا لیا۔ گرفتار ملزمان ہیبت، سرفراز، سدا بہار اور مغویہ خدیجہ کو قانونی کارروائی کے لیے تھانہ شاہدرہ ٹاؤن کے حوالے کر دیا گیا۔

ایس پی موبائلز کی تعریف

ایس پی موبائلز ارسلان زاہد کی طرف سے ناکہ انچارج و ٹیم کو شاباش و تعریفی اسناد کا اعلان کیا گیا۔ انہوں نے کہا کہ شہر کے داخلی و خارجی راستوں پر کڑی نگرانی کا عمل جاری رہے گا۔