رانا ثناء اللہ خان نے آرمی چیف فیلڈ مارشل عاصم منیر کی مدت ملازمت میں توسیع کا اشارہ دے دیا

آرمی چیف کی مدت ملازمت میں ممکنہ توسیع

اسلام آباد (ڈیلی پاکستان آن لائن) وزیر اعظم کے مشیر برائے سیاسی امور رانا ثناء اللہ خان نے آرمی چیف فیلڈ مارشل عاصم منیر کی مدت ملازمت میں توسیع کا اشارہ دے دیا۔

یہ بھی پڑھیں: پنجاب فرانزک سائنس اتھارٹی کے لیے جدید آلات کی خریداری کا فیصلہ، 77 سائنسدانوں کی بھرتی کا عمل جاری

تاریخی پس منظر

نجی ٹی وی سماء کے پروگرام میں گفتگو کرتے ہوئے انہوں نے کہا کہ پہلے آرمی چیف کی تعیناتی چار سال کیلئے ہوتی تھی، 1976 سے یہ مدت تین سال کردی گئی، اب آرمی چیف کی مدت پانچ سال ہوگئی ہے۔فیلڈ مارشل عاصم منیر کی بطور آرمی چیف تعیناتی تین سال کیلئے ہوئی تھی، کیونکہ اس وقت یہی قانون تھا لیکن اب پانچ سال کا قانون آگیا ہے تو وہ 2027 تک آرمی چیف رہیں گے۔

یہ بھی پڑھیں: پاکستان گریٹر اسرائیل کا منصوبہ مسترد کرتا ہے، اسحاق ڈار

ایئر چیف کی مدت ملازمت

انہوں نے کہا کہ ایئر چیف کی مدت پوری ہوچکی تھی لیکن آئین میں ترمیم کے بعد ان کی تعیناتی خود بخود پانچ سال ہوگئی، اس کیلئے کسی نئے نوٹیفکیشن کی ضرورت نہیں۔ جب ان کے پانچ سال پورے ہوں گے تو وہ ریٹائر ہوجائیں گے۔

یہ بھی پڑھیں: آخر کار ویرات کوہلی نے آئی پی ایل جیت ہی لیا

مستقبل کا اندیشہ

انہوں نے کہا کہ فیلڈ مارشل کی مدت ملازمت نومبر 2027 میں مکمل ہوگی اور اگر کوئی ایکسٹینشن نہیں ہوتی تو وہ ریٹائر ہوجائیں گے۔ رانا ثناء اللہ کے مطابق اس ملک میں چار، چار ایکسٹینشنز ہوتی رہی ہیں، کچھ خود کو ہی ایکسٹینشن دیتے رہے ہیں۔

یہ بھی پڑھیں: کچے کے 80 فیصد علاقے سیلاب کی نذر،سیلابی ریلے صوبہ سندھ کے جنوبی حصے کی طرف بڑھنے لگے

خصوصی حیثیت

ایک ایسا آدمی جو فیلڈ مارشل ہے، جس نے یہ رتبہ کمایا ہے، خود سے نہیں لیا بلکہ حکومت نے اسے یہ رتبہ دیا ہے، میرا نہیں خیال کہ ان سے زیادہ کوئی ایکسٹینشن کا مستحق ہے، نئے قانون کے تحت عمر کی آخری حد بھی ختم ہوگئی ہے۔

سیاسی میٹنگ کا ذکر

واضح رہے کہ اس سے پہلے رانا ثناء اللہ نے ایک اور ٹی وی پروگرام میں گفتگو کرتے ہوئے کہا تھا کہ نواز شریف، شہباز شریف اور مریم نواز کی مری میٹنگ میں تسلسل کا فیصلہ کیا گیا ہے۔