وزیراعلیٰ مریم نواز کا چوہنگ میں فلڈ ریلیف کیمپ کا دورہ، تفصیلی بریفنگ، بچوں کی ہیلتھ سکریننگ کا حکم
وزیراعلیٰ پنجاب کا چوہنگ فلڈ ریلیف کیمپ کا دورہ
لاہور (ڈیلی پاکستان آن لائن) وزیر اعلیٰ پنجاب مریم نواز نے چوہنگ فلڈ ریلیف کیمپ کا دورہ کیا۔ وزیراعلیٰ فلڈ ریلیف کیمپ کے متاثرین میں گھل مل گئیں اور دلاسہ دیا، قائم عارضی کلاس روم کے بچوں سے گپ شپ کی، مختلف سوالات پوچھے اور بچوں سے شفقت کا اظہار کیا۔
یہ بھی پڑھیں: صدر آذربائیجان کا پاکستان میں 2 ارب ڈالر کی سرمایہ کاری کا اعلان
بچوں کے ساتھ محبت بھرا تعامل
کمسن انعمتا نے تحائف ملنے پر اظہار تشکر کے لئے وزیر اعلیٰ کو گلے لگا لیا۔ وزیر اعلیٰ نے ریڈ فراک کا بھی تحفہ دیا۔ کمسن انعمتا کی کتاب میں دلچسپی دیکھ کر وزیر اعلیٰ نے اظہار مسرت کیا۔ ایک اور کمسن طالب علم نے وزیر اعلیٰ سے باتیں کی اور کہا کہ آپ کو پہلی بار دیکھ رہا ہوں۔
یہ بھی پڑھیں: حکومت اور پاکستان تحریک انصاف کے درمیان مذاکرات آج ہوں گے
صحت کی دیکھ بھال کی ہدایت
وزیر اعلیٰ نے آشوب چشم میں مبتلا بچے کا فوری علاج معالجہ شروع کروانے کی ہدایت کی اور فلڈ ریلیف کیمپ میں مقیم سب بچوں کی ہیلتھ سکریننگ کا بھی حکم دیا۔
یہ بھی پڑھیں: تحریک انصاف کی پریس کانفرنس کی کوریج پر 8صحافیوں کیخلاف مقدمہ ،صدر لاہور پریس کلب کی شدید مذمت
خواتین اور بچوں کے لئے تحائف
وزیر اعلیٰ مریم نواز نے فلڈ کیمپ میں مقیم خواتین اور بچوں کو تحائف پیش کئے اور سیلاب متاثرین کی بحالی کے لئے اقدامات کی یقین دہانی کرائی۔ وزیراعلیٰ مریم نواز نے کہا کہ پانی کی صورتحال کا جائزہ لے رہے ہیں، گھر بنانے میں بھی مدد کریں گے۔ فکر نہ کریں، آپ کے ساتھ ہیں اور ساتھ دیں گے۔
یہ بھی پڑھیں: عالمی بینک نے پاکستان کے ٹیکس نظام کو غیر منصفانہ اور بیہودہ قرار دیدیا
ریلیف کیمپ کی سہولیات کی جانچ
وزیر اعلیٰ نے موجود میڈیسن، ای سی جی، ایکسرے اور دیگر سہولیات کا جائزہ لیا۔ کمشنر اور ڈپٹی کمشنر لاہور نے وزیراعلیٰ کو تفصیلی بریفنگ دی۔
یہ بھی پڑھیں: ایف بی آر کے دفاتر 31 مئی بروز ہفتہ کھلے رہیں گے
بریفنگ کے اہم نکات
بریفنگ میں بتایا گیا کہ لاہور میں سیلابی ریلے سے 4891 موضع متاثر ہوئے۔ لاہور میں سیلاب متاثرہ علاقے سے 36658 آبادی کا انخلا ممکن بنایا گیا۔ 13621 مویشی سیلاب متاثرہ علاقوں سے محفوظ مقامات پر منتقل کیے گئے۔ لاہور میں 7 فلڈ ریلیف کیمپ، 17 میڈیکل ریلیف کیمپ اور 9 لائیو سٹاک ریلیف کیمپ قائم ہیں۔ گورنمنٹ گرلز ہائی سکول چوہنگ میں 3 ہزار سیلاب متاثرین مقیم ہیں۔
کیمپ میں فراہم کی جانے والی اشیاء
بریفنگ میں مزید بتایا گیا کہ چوہنگ فلڈ ریلیف کیمپ میں تھیم پارک، برکت کالونی، منظورپارک اور دیگر علاقوں کے متاثرین مقیم ہیں۔ فلڈ ریلیف کیمپ میں کھانا، منرل واٹر، ملک پیک اور بسکٹ فراہم کیے جارہے ہیں۔ صفائی کے لئے ڈسٹ بن، واسا کا عملہ ہمہ وقت موجود رہتا ہے۔ سیلاب زدگان کے علاج وصحت کے لئے 24/7 ڈاکٹر اور طبی عملہ بھی تعینات کیا گیا ہے۔
