فیلڈ مارشل کی مدت ملازمت 2027ء میں پوری ہوگی اس کے بعد ایکسٹینشن کا سوال پیدا ہوگا، رانا ثنا اللہ

وزیراعظم کے مشیر کا بیان

لاہور(ڈیلی پاکستان آن لائن) وزیراعظم کے مشیر رانا ثنا اللہ نے کہا ہے کہ فیلڈ مارشل کی مدت ملازمت 2027ء میں مکمل ہوگی۔ اس کے بعد ایکسٹینشن کا سوال پیدا ہوگا۔ عاصم منیر نے 78 سال میں اس قوم کو معرکہ حق کی صورت میں فخر کرنے کا موقع فراہم کیا ہے۔

یہ بھی پڑھیں: تاتاریوں سے امریکی فوج تک: بغداد کے عروج و زوال کی کہانی، دنیا کے سب سے امیر شہر کا ماضی

موسمیاتی تبدیلی اور حکومت کی اقدامات

پنجاب اسمبلی میں میڈیا سے گفتگو کرتے ہوئے انہوں نے کہا کہ موسمیاتی تبدیلی پوری دنیا میں آرہی ہے۔ ستلج اور راوی خشک ہوچکے تھے، لیکن وہاں پانی کی بہت زیادہ آمد ہوئی ہے۔ حکومت نے اس مرتبہ ٹیم ورک کیا ہے اس لیے جانی نقصان کم سے کم ہوا ہے۔ حکومت کے تمام اداروں نے ایک ٹیم کے طور پر کام کیا ہے اور لاکھوں افراد کو نکالا ہے۔ اگر حکومت الرٹ نہ ہوتی تو نقصان بہت زیادہ ہوتا۔

یہ بھی پڑھیں: ایران، اسرائیل جنگ: حکومت نے پیٹرول کے حوالے سے بڑا فیصلہ کر لیا

سول وار کا خدشہ

انہوں نے مزید کہا کہ سول وار کی کوشش ہورہی ہے، نومئی کو یہ کوشش ہوئی اور چوبیس اور چھبیس تاریخ کو بھی کوشش کی گئی۔ سول وار کی کسی صورت اجازت نہیں دی جاسکتی کیونکہ اس سے پاکستان کی سالمیت کو نقصان ہوسکتا ہے۔ کوئی بھی دھڑا ہو، اس کو سختی سے روکنا چاہیے۔

آرمی چیف کی مدت ملازمت

انہوں نے یہ بھی کہا کہ کسی زمانے میں آرمی چیف کی مدت چار سال تھی، پھر تین سال ہوگئی، اور اب آرمی چیف کی مدت پانچ سال ہوگئی ہے۔ فیلڈ مارشل سید عاصم منیر کی مدت ملازمت 2027ء میں مکمل ہوگی، اس کے بعد ایکسٹینشن کا سوال پیدا ہوگا۔ فیلڈ مارشل عاصم منیر نے 78 سال میں اس قوم کو معرکہ حق کی صورت میں فخر کرنے کا موقع فراہم کیا ہے۔