پاکستان نے یو اے ای کے خلاف ٹاس جیت کر پہلے بیٹنگ کرنے کا فیصلہ کرلیا

ٹرائی نیشن سیریز کا آغاز

اسلام آباد(ڈیلی پاکستان آن لائن) ٹرائی نیشن سیریز کے دلچسپ اور سنسنی خیز مقابلوں کا سلسلہ شارجہ کے میدان میں جاری ہے۔ سہ فریقی سیریز کے پانچویں مقابلے میں پاکستان نے متحدہ عرب امارارت (یو اے ای) کے خلاف ٹاس جیت کر پہلے بیٹنگ کرنے کا فیصلہ کیا ہے۔

یہ بھی پڑھیں: کراچی ائیرپورٹ پر کھڑے طیارے سے گاڑی ٹکرا گئی

قومی ٹیم میں تبدیلی

قومی ٹیم ایک تبدیلی کے ساتھ میدان میں اتری ہے، فاسٹ باؤلر حارث رؤف کی جگہ سلمان مرزا کو پلیئنگ الیون میں شامل کیا گیا ہے۔ جیت کی صورت میں پاکستان ایونٹ کے فائنل کے لیے کوالیفائی کر جائے گا۔

قومی ٹی 20 اسکواڈ

قومی ٹی 20 اسکواڈ کی قیادت سلمان علی آغا کر رہے ہیں، جبکہ دیگر کھلاڑیوں میں صاحب زادہ فرحان، صائم ایوب، فخر زمان اور حسن نواز شامل ہیں۔ محمد نواز، محمد حارث، فہیم اشرف، شاہین شاہ آفریدی، سلمان مرزا اور ابرار احمد بھی فائنل الیون کا حصہ ہیں۔