میں بھی مارک زکربرگ ہوں، امریکی وکیل نے میٹا کے سی ای او کے خلاف مقدمہ دائر کر دیا

وکیل کا مقدمہ

نیویارک(ڈیلی پاکستان آن لائن) امریکہ کے ریاست انڈیانا سے تعلق رکھنے والے ایک وکیل مارک زکربرگ نے میٹا کے سی ای او مارک زکربرگ کے خلاف مقدمہ دائر کر دیا ہے۔

یہ بھی پڑھیں: سونے کی فی تولہ قیمت میں 4300 روپے کی کمی

فیس بک پیج کی بندش

وکیل مارک زکربرگ نے کہا کہ میرا فیس بک پیج آٹھ سال میں پانچ بار بند کیا گیا ہے، کیونکہ کمپنی کے سسٹمز انہیں جعلی اکاؤنٹ سمجھتے ہیں، حالانکہ میرا اصل نام بھی مارک زکربرگ ہی ہے۔

یہ بھی پڑھیں: بھارت نے پاکستان پر حملہ کردیا، پاک فوج نے بھی تصدیق کردی

شکایات کا سلسلہ

وکیل کے مطابق وہ اپنے نام کی مشکلات کو بیان کرنے کے لیے ایک ویب سائٹ بھی چلا رہے ہیں، وہ 2017 سے کئی بار کمپنی میں شکایت درج کرا چکے ہیں اور اب تک 11 ہزار ڈالر سے زائد خرچ بھی کر چکے ہیں، انہوں نے کہا کہ یہ کوئی مذاق نہیں، خاص طور پر جب میرا پیسہ ضائع ہوتا ہے۔

یہ بھی پڑھیں: قومی اسمبلی کا اہم اجلاس شروع، وزیر خزانہ بجٹ 26-2025 پیش کر رہے ہیں

دنیا کی حقیقت

وکیل کے مطابق اکثر لوگ فون کالز کو مذاق سمجھ کر کاٹ دیتے ہیں، کبھی ریسٹورنٹ میں ریزرویشن نہیں ہو پاتا اور انہیں اصل مارک زکربرگ کے لیے دھمکی آمیز پیغامات بھی موصول ہوتے ہیں۔

میٹا کا ردعمل

میٹا نے ردعمل میں کہا کہ ہم جانتے ہیں دنیا میں ایک سے زیادہ مارک زکربرگ ہیں اور ہم اس معاملے کو حل کرنے کے لئے طریقہ کار دیکھ رہے ہیں۔