افغانستان میں زلزلے سے ہلاکتوں کی تعداد 2205 ہو گئی، 3640 افراد زخمی ہیں: ہلال احمر سوسائٹی

افغانستان میں شدید زلزلہ

کابل(شِنہوا) افغان ہلال احمر سوسائٹی نے کہا ہے کہ مشرقی افغانستان میں آنے والے شدید زلزلے سے ہلاکتوں کی تعداد 2205 ہوگئی ہے جبکہ 3640 افراد زخمی ہیں۔

یہ بھی پڑھیں: پاکستان نے پہلے سرکاری حمایت یافتہ بٹ کوائن ریزرو کا اعلان کر دیا

امدادی کارروائیاں جاری

ادارے نے کہا ہے کہ متاثرہ علاقوں میں امدادی کارروائی جاری ہے کیونکہ ایسی اطلاعات موصول ہوئی ہیں کہ بہت سے افراد تاحال منہدم ہونے والے گھروں کے ملبے تلے دبے ہوئے ہیں۔

یہ بھی پڑھیں: ایئر چیف کا تاریخی دورۂ امریکا، ٹیکنالوجی اور مشترکہ تربیت پر اتفاق

اعداد وشمار کا مزید اضافہ متوقع

مزید بتایا گیا ہے کہ جانی نقصان کے یہ اعداد و شمار ابتدائی معلومات پر مبنی ہیں اور اس میں مزید اضافہ ہوسکتا ہے۔

یہ بھی پڑھیں: پی ٹی آئی کی ایم این اے زرتاج گل کو رہا کر دیا گیا

ہنگامی امداد کی فراہمی

افغانستان کی عبوری حکومت کے نائب ترجمان حمداللہ فطرت نے سماجی رابطے کے پلیٹ فارم ’’ایکس‘‘ پر اپنی ایک پوسٹ میں کہا ہے کہ متعدد مقامات پر بے گھر ہونے والے افراد کے لئے خیمے لگا دئیے گئے ہیں جبکہ ہنگامی امدادی سامان کی منظم ترسیل جاری ہے.