پی ٹی سی ایل نے انٹرنیٹ سست چلنے کی وجہ بتا دی

لاہور (ڈیلی پاکستان آن لائن) پاکستان بھر میں انٹرنیٹ سست روی کا شکار ہے جس کی وجہ ترجمان پی ٹی سی ایل (پاکستان ٹیلی کمیونیکیشن کمپنی لمیٹڈ) نے بتا دی ہے۔

کیبل کٹنے کی وجہ

ترجمان پی ٹی سی ایل کے مطابق جدہ، سعودی عرب کے قریب سب میرین کیبل کٹ گئی ہے۔ اس سب میرین کیبل کے کٹنے سے ملک کے بعض علاقوں میں انٹرنیٹ کی سست روی دیکھنے میں آ رہی ہے۔

سروسز پر اثرات

ترجمان پی ٹی سی ایل نے کہا کہ مصروف ترین اوقات میں انٹرنیٹ سروسز معمولی متاثر ہو سکتی ہیں، تاہم ملک میں متبادل بینڈ وتھ کے ذریعے صورتحال کو بہتر کرنے کی کوشش کی جا رہی ہے۔