چاول کی قیمتیں بھی بڑھنے لگیں

چاول کی قیمتوں میں اضافہ

ممبئی/کراچی (نیوز ڈیسک) گندم کے بعد اب چاول کی قیمتیں بھی بڑھنے لگیں۔

یہ بھی پڑھیں: شہید بی بی کا وژن مشعل راہ، رہنمائی لیکر جمہوریت مضبوط کریں گے: صدر زرداری

سیلاب کا اثر

تفصیلات کے مطابق، سیلاب کے اثرات کے باعث پاکستان اور بھارت میں باسمتی چاول کی قیمتیں بڑھنے لگی ہیں۔ "جنگ" کی خبر کے مطابق، پاکستان میں 20 فیصد باسمتی فصل تباہ ہو چکی ہے۔ ایکسپورٹرز کا کہنا ہے کہ یہ صورتحال عالمی و مقامی مارکیٹ میں قیمتوں کو اوپر لے جائے گی۔

متاثرہ فصلیں

بھارتی پنجاب اور ہریانہ میں 10 لاکھ ایکڑ رقبے پر دھان، کپاس اور دالوں جیسی فصلیں متاثر ہوئی ہیں۔ حالیہ شدید بارشوں اور بڑے پیمانے پر آنے والے سیلاب نے بھارت اور پاکستان کے باسمتی چاول اگانے والے علاقوں میں پیداوار پر خدشات بڑھا دیئے ہیں، جس کے باعث قیمتوں میں اضافہ دیکھنے میں آ رہا ہے۔