وزیر اعلیٰ مریم نواز کا جلالپور پیر والا فلڈ ریلیف کیمپ کا دورہ، خواتین کو دلاسہ دیا، بچوں سے اظہار شفقت، ساتھ بیٹھ کر کھانا بھی کھایا
وزیر اعلیٰ مریم نواز کا دورہ جلالپور پیر والا
لاہور ( ڈیلی پاکستان آن لائن ) وزیر اعلیٰ پنجاب مریم نواز سیلاب زدگان کا دکھ بانٹنے ملتان شہر کی تحصیل جلالپور پیر والا پہنچ گئیں۔ وزیر اعلیٰ مریم نواز نے گورنمنٹ کالج جلالپور پیر والا فلڈ ریلیف کیمپ کا دورہ کیا اور سیلاب متاثرین میں گھل مل گئیں۔
یہ بھی پڑھیں: اختلاف رائے اور تنقید ہم برداشت ہی نہیں کر سکتے، سیاستدانوں کے بس میں ہو تو مخالفین کی گردن ہی دبوچ لیں، ہم عوام کو ریلیف دینے کے قائل ہی نہیں
متاثرین کے ساتھ ہمدردی
وزیر اعلیٰ مریم نواز شریف نے سیلاب متاثرہ خواتین کو گلے لگا کر دلاسہ دیا اور ان کے مسائل کے حل کی یقین دہانی کرائی۔ انہوں نے سیلاب متاثرہ بچوں کے ساتھ شفقت کا اظہار کرتے ہوئے خود ڈش لے کر بچوں میں کھانا پیش کیا۔ وزیر اعلیٰ نے ایک ننھے بچے کے منہ میں زردے کا نوالہ ڈالا اور اسے پیار کیا۔
یہ بھی پڑھیں: ابا کے پاس مہنگی ترین گاڑیاں اور گھر ہیں لیکن مجھے ایک روپیہ نہیں دیتے” کروڑپتی باپ کی بیٹی سڑک کنارے بریانی بیچنے پر مجبور ہو گئی
خصوصی کھانے کا اہتمام
وزیر اعلیٰ مریم نواز کی طرف سے سیلاب متاثرین کے لیے خصوصی طور پر کھانے کا اہتمام کیا گیا۔ انہوں نے خصوصی کھانے کا مینیو خود ترتیب دیا اور متاثرہ بچوں اور خواتین میں پھل بھی تقسیم کیے۔
وزیر اعلیٰ نے ایک بزرگ خاتون کو دیکھ کر اٹھ گئیں اور انہیں کھانا پیش کیا اور ساتھ بیٹھ کر کھانا کھایا۔ علاوہ ازیں، انہوں نے سیلاب کے دوران جاں بحق ہونے والے افراد کے ورثا کو امدادی رقوم کے چیک بھی دیئے۔
دکھ بانٹنے کی محبت
وزیر اعلیٰ نے ہچکیاں لے کر رونے والی خاتون کو گلے لگا کر تسلی دی۔ ایک بزرگ شہری نے وزیر اعلیٰ کو دیکھ کر خوشی کا اظہار کیا اور کہا، "حیاتی ہووے، ساڈی دھی آئی ایں"۔ انہوں نے کہا کہ جب ہمیں دکھ ہوا تو ہم روتے تھے، آج جب ہم تکلیف میں ہیں تو آپ ہمارے ساتھ ہیں۔
ایک خاتون نے فلڈ ریلیف کیمپ میں وزیر اعلیٰ مریم نواز اور نواز شریف کا شکریہ ادا کیا۔ اس دوران، وزیر اعلیٰ برقعہ پوش بزرگ خاتون کے ساتھ بیٹھ گئیں، حال دریافت کیا اور متاثرہ خواتین کیساتھ کھانا بھی کھایا۔
وزیر اعلیٰ نے کنگ سلمان ایڈ اینڈ ریلیف سینٹر، پی ڈی ایم اے کی طرف سے فوڈ پیکٹ اور دیگر امدادی سامان بھی تقسیم کیا۔
