پنجاب سخت آفت کی زد میں، مخالفین اور ’’یو ٹیومرز‘‘ عوام میں مایوسی پھیلا رہے ہیں: عظمیٰ بخاری

قائداعظم کی برسی

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے کہا ہے کہ آج قوم بانی پاکستان قائداعظم محمد علی جناحؒ کی برسی پر ان کی جدوجہد، قربانیوں اور قیادت کو خراج عقیدت پیش کرتی ہے۔ قائداعظم اور ان کے رفقا کی لازوال کاوشوں کی بدولت پاکستان دنیا کے نقشے پر ایک آزاد ریاست کے طور پر اُبھرا، جسے ہمیشہ یاد رکھا جائے گا۔

یہ بھی پڑھیں: لاہور میں موٹرسائیکل سوار بارش کے پانی سے بھرے گڑھے میں جا گرا، سی سی ٹی وی فوٹیج سامنے آگئی

بیگم کلثوم نواز کی خدمات

عظمیٰ بخاری نے سابق خاتون اول بیگم کلثوم نواز کی ساتویں برسی پر بھی ان کی جمہوریت کے لیے خدمات کو سراہا اور کہا کہ مشکل وقت میں بیگم کلثوم نواز نے مسلم لیگ (ن) کی توانا آواز بن کر ثابت قدمی کا مظاہرہ کیا۔

یہ بھی پڑھیں: وفاقی بیوروکریسی میں اہم تقرر و تبادلے

سیلاب کی صورتحال

وزیر اطلاعات نے کہا کہ پنجاب میں حالیہ سیلاب ایک بڑی آزمائش ہے، لیکن وزیر اعلیٰ پنجاب مریم نواز کی قیادت میں صوبائی حکومت ہر ممکن ریلیف فراہم کر رہی ہے۔ اب تک 22 لاکھ افراد اور 17 لاکھ مویشیوں کو محفوظ مقامات پر منتقل کیا جا چکا ہے، جبکہ ہیلی کاپٹرز اور فضائی جہازوں کے ذریعے متاثرہ علاقوں میں امدادی سامان پہنچایا جا رہا ہے۔4500 سے زائد دیہات متاثر ہوئے اور تقریباً 42 لاکھ آبادی متاثر ہوئی ہے۔

یہ بھی پڑھیں: ہم آزاد ملک ہیں، ڈونلڈ ٹرمپ کیسے ہمیں ڈکٹیشن دے رہا ہے،، سیز فائر کے اعلان پر بھارتی اینکر ارنب گوسوامی کی چیخیں نکل گئیں

حکومتی اقدامات

ان خیالات کا اظہار انہوں نے ڈی جی پی آر میں پریس کانفرنس کرتے ہوئے کیا۔ انہوں نے کہا کہ پنجاب حکومت نے ریسکیو اینڈ ریلیف کے لیے بڑے پیمانے پر اقدامات کیے ہیں۔ صرف 3 دنوں میں 16 ہزار سے زائد افراد کو ریسکیو کیا گیا۔ 490 میڈیکل اور 1412 ویٹرنری کیمپس قائم کیے گئے ہیں۔ متاثرین کو ادویات، صاف پانی اور خوراک کی فراہمی یقینی بنائی جا رہی ہے۔ حاملہ خواتین، بچے اور بزرگ خصوصی توجہ کا مرکز ہیں۔ وزیر اعلیٰ روزانہ خود فیلڈ وزٹ کر رہی ہیں اور انتظامیہ سے براہِ راست صورتحال دریافت کرتی ہیں۔ سینئر وزراء اور کابینہ کے ارکان بھی متاثرہ اضلاع میں موجود ہیں تاکہ ریلیف آپریشن مؤثر انداز میں جاری رہے۔

یہ بھی پڑھیں: ٹیکس ریٹ بڑھانے کے باوجود جائیداد کی خرید و فروخت پر صرف 33 ارب اضافی ٹیکس جمع ہوسکا

سرکاری نگرانی میں امداد

انہوں نے واضح کیا کہ متاثرین کی مدد کے لیے پرائیویٹ کشتیوں کو بھی سرکاری نگرانی میں استعمال کیا جا رہا ہے اور تمام اخراجات حکومت برداشت کرے گی۔ کسی قسم کی لوٹ مار یا بے ضابطگی پر سخت کارروائی عمل میں لائی جا رہی ہے۔ گندم اور آٹے کی صورتحال پر بھی حکومت کی کڑی نظر ہے۔ جن افسران کی کوتاہی ثابت ہوئی انہیں عہدوں سے ہٹا دیا گیا ہے۔ 20 کلو آٹے کا تھیلا 1760 روپے (ریٹیل 1860 روپے) مقرر کیا گیا ہے اور مصنوعی بحران یا ناجائز منافع خوری کسی صورت برداشت نہیں کی جائے گی۔

حکومت کا عزم

عظمیٰ بخاری نے کہا کہ حکومت پنجاب متاثرین کو ہرگز تنہا نہیں چھوڑے گی، بحالی کے لیے اعلیٰ سطحی کمیٹی قائم کر دی گئی ہے اور بہت جلد وزیر اعلیٰ پنجاب ایک بڑے ریلیف پیکج کا اعلان کریں گی۔ مخالفین اور ’’یوٹیومرز‘‘ صرف عوام میں مایوسی پھیلا رہے ہیں، لیکن حقیقت یہ ہے کہ پنجاب حکومت دن رات سیلاب متاثرین کی مدد کے لیے سرگرم ہے۔ ہر شخص کی جان بچانا وزیر اعلیٰ پنجاب کا مشن ہے اور اس مشن پر کوئی سمجھوتہ نہیں ہوگا۔