ایمان مزاری اور ہادی چٹھہ کی ضمانت قبل از گرفتاری منظور

اسلام آباد میں ضمانت کی منظوری

اسلام آباد(ڈیلی پاکستان آن لائن)ڈسٹرکٹ اینڈ سیشن کورٹ اسلام آباد نے ایمان مزاری اور ہادی چٹھہ کی ضمانت قبل از گرفتاری منظور کر لی۔ ایمان مزاری اور ہادی چٹھہ خلاف این سی سی آئی اے نے قابل اعتراض ٹویٹس پر مقدمہ کر رکھا ہے۔

یہ بھی پڑھیں: امریکی نائب صدر نے چینی شہریوں کو ‘گنوار’ کہہ دیا، چین کا سخت ردعمل

عدالت میں وکیل کا مؤقف

نجی ٹی وی سما نیوز کے مطابق ایڈیشنل سیشن جج افضل مجوکا کے روبرو ایمان مزاری اور ہادی چٹھہ کے وکیل ریاست علی آزاد نے مؤقف اپنایا کہ یہ ضمانت قبل از گرفتاری کی درخواست ہے۔ عدالت نے میرٹ نہیں دیکھنا۔ ایف آئی آر میں شامل دفعات اس کیس میں لگ ہی نہیں سکتیں۔ چار سال پرانے واقعہ پر ایف آئی آر کاٹی گئی۔ ایمان مزاری اور ہادی علی کو کوئی نوٹس بھی نہیں کیا گیا۔

یہ بھی پڑھیں: لوگوں کا کیا ہے!

اسلام آباد ہائی کورٹ بار کا بیان

صدر اسلام آباد ہائی کورٹ بار نعیم گجر نے کہا کہ کوئی وکیل آواز اٹھاتا ہے تو اسے غلط ایف آئی آر میں ڈال دیا جاتا ہے۔ ٹویٹس میں ایسی ویسی کوئی بات نہیں، بس یہ کہا گیا ہے کہ یہ ظلم ہوا۔

این سی سی آئی اے کے وکیل کے دلائل

این سی سی آئی اے کے وکیل شیخ عامر نے دلائل میں کہا کہ ٹویٹس پرانے نہیں، سب 2025 کے ہیں۔ ایمان اور ہادی نے ان تمام ٹویٹس کو قبول بھی کیا۔ ملزمان نے ابھی تک فون یا دیگر ڈیوائسز حوالے نہیں کیں۔ عدالت نے فریقین کے دلائل سننے کے بعد ضمانت قبل از گرفتاری کی درخواست منظور کر لی۔