5 اکتوبر احتجاج کیس: علیمہ خان اور عظمیٰ خان کی عبوری ضمانت میں توسیع

انسداد دہشت گردی عدالت کا فیصلہ

لاہور(ڈیلی پاکستان آن لائن) انسداد دہشت گردی عدالت لاہور نے 5 اکتوبر پولیس پر مبینہ تشدد اور جلاؤ گھیراؤ کیس میں علیمہ خان اور عظمیٰ خان کی عبوری ضمانت میں توسیع کر دی۔

یہ بھی پڑھیں: آڈیو لیکس کمیشن کیس؛ سپریم کورٹ کی اتھارٹی کو انڈر مائین ہونے نہیں دیں گے، جسٹس جمال مندوخیل کا اٹارنی جنرل سے مکالمہ

سماعت کی تفصیلات

نجی ٹی وی چینل دنیا نیوز کے مطابق سماعت اے ٹی سی کے جج منظر علی گل نے بانی پی ٹی آئی کی بہنوں علیمہ خان اور عظمیٰ خان کی عبوری ضمانت کی درخواستوں پر سماعت کی۔

یہ بھی پڑھیں: اسحاق ڈار کی ماسکو میں صدر پوٹن سے ملاقات

حاضری معافی کی درخواست

سماعت کے دوران علیمہ خان اور عظمیٰ خان کی جانب سے ایک روزہ حاضری معافی کی درخواست جمع کروائی گئی۔

درخواست میں مؤقف اختیار کیا گیا کہ علیمہ خان اور عظمیٰ خان اسلام آباد میں ہیں جہاں بانی پی ٹی آئی سے ملاقات اور کیس کی سماعت کے سلسلے میں گئی ہوئی ہیں۔

سماعت کی ملتوی ہونے کا اعلان

بعدازاں عدالت نے مقدمہ کا ریکارڈ پیش نہ ہونے پر سماعت 17 اکتوبر تک ملتوی کر دی اور دونوں کی عبوری ضمانت میں بھی اسی تاریخ تک توسیع کر دی۔ ساتھ ہی دونوں کی عدالت سے حاضری معافی کی درخواست بھی منظور کر لی。