والدین و اساتذہ کا احترام اور عزت میں ہی کامیابی اور فلاح ہے: قونصل جنرل پاکستان خالد مجی

والدین کی عزت و اہمیت

جدہ (محمد اکرم اسد) قونصل جنرل پاکستان خالد مجید نے کہا ہے کہ والدین کی عزت و عظمت قرآن حکیم اور ارشادات نبوی صلعم میں واضع کر دی گئی ہے۔ والدین اور اساتذہ کے احترام اور عزت میں ہی کامیابی اور فلاح ہے۔ والدین اپنی زندگی کا کل آپکے آج کے لئے قربان کر دیتے ہیں تاکہ ان کی اولاد کامیابی سے آگے بڑھ سکے۔ ہمیں اور خاص کر نوجوانوں کو اپنے والدین کو وہی عزت و پیار دینا چاہئے جو وہ آپ کو بچپن سے جوانی تک دیتے آئے ہیں۔ اسی میں سب کی کامیابی ہے۔

یہ بھی پڑھیں: یو اے ای: سوشل میڈیا پر کمنٹس کرنا نوجوان کو مہنگا پڑ گیا، 50 لاکھ سے زائد کا جرمانہ عائد

تقریب کا پس منظر

یہ خیالات انہوں نے اسپنزر میں پاکستان مسلم لیگ (ن) سعودی عرب کے چیئرمین اور قائم مقام کنوئنئیر قومی یکجہتی فورم چوہدری محمد اکرم گجر کی طرف سے سابق مشیر وزیر اعلیٰ پنجاب چوہدری اظہر وڑائچ کے والد چوہدری اللہ دتہ کے اعزاز میں دئیے گئے عشائیے میں بطور مہمان خصوصی خطاب کرتے ہوئے کئے۔ قونصل جنرل خالد مجید نے چوہدری اللہ دتہ کی علمی اور سماجی خدمات کو سراہا اور چوہدری اللہ دتہ کو اچھے والد اور چوہدری اظہر وڑائچ کو اچھے بیٹے ہونے پر اپنے رشک اور پسندیدگی کا اظہار کیا۔

یہ بھی پڑھیں: سابق وزیر اعلیٰ پنجاب میاں منظور احمد وٹو کی اوکاڑہ میں لینڈ کروزر میں بیٹھ کر اپنے دوست کی نماز جنازہ ادا کرنے کی وڈیو وائرل

سیلابی صورتحال اور امداد کی ضرورت

قونصل جنرل نے کہا کہ پوری جدہ کی کمیونٹی نے کس طرح چوہدری اللہ دتہ کو عزت دی، اس کی مثال نہیں ملتی۔ ان کے اعزاز میں جتنی تقاریب ہوئی ہیں، میں نے نہیں دیکھا کہ اتنی تقاریب کسی اور کے لئے منعقد ہوئی ہوں۔ انہوں نے اس موقع پر کہا کہ پاکستان اس وقت سیلابی صورتحال سے دوچار ہے اور حکومت اپنے تئیں ان کی مدد کر رہی ہے۔ ہمیں بھی پاکستانی کمیونٹی کو سیلاب زدگان کی اس دکھ کی گھڑی میں مدد میں بڑھ چڑھ کر حصہ لینا ہوگا تاکہ غریب عوام کا نقصان کچھ کم ہو سکے۔ حکومت پاکستان نے فلڈ ریلیف فنڈ قائم کر دیا ہے جس میں ہر کسی کو اپنا حصہ ڈالنا چاہئے۔ اس سلسلے میں پاکستان قونصلیٹ ہر طرح کی مدد کے لئے موجود ہے۔

یہ بھی پڑھیں: 22سالہ خاتون سے مبینہ اجتماعی زیادتی ، ایف آئی آر میں شوہر اور 2 بہنوئی نامزد

تقریب کا آغاز اور شکرگزاری

تقریب کا آغاز قاری محمد آصف نے تلاوت کلام پاک سے کیا۔ میزبان تقریب چوہدری اکرم گجر نے شرکاء کو خوش آمدید کہا اور ان کی آمد پر شکریہ ادا کیا۔ سابق وفاقی وزیر چوہدری شہباز نے چوہدری اللہ دتہ کو خراج تحسین پیش کرتے ہوئے کہا کہ انہوں نے اظہر جیسے بیٹے کی تربیت کی جو ہر کسی کے دکھ درد کو اپنا دکھ سمجھتا ہے۔

یہ بھی پڑھیں: فلسطینی کارکن محمود خلیل کی ٹرمپ انتظامیہ کے خلاف 2 کروڑ ڈالر ہرجانے کی درخواست

والدین اور اساتذہ کی اہمیت

جموں و کشمیر کمیونٹی اوورسیز کے چیئرمین انجینئر عارف مغل نے قرآن اور احادیث کی روشنی میں والدین اور اساتذہ کی اہمیت کو اجاگر کیا۔ انہوں نے کہا کہ والدین اور اساتذہ کے احترام اور عزت میں ہی کامیابی اور فلاح کا راز مضمر ہے۔ والدین خوش قسمت ہوتے ہیں جن کو خدمتگار اولاد نصیب ہوتی ہے۔

یہ بھی پڑھیں: بھارت کے دفاعی تجزیہ کار نے بھی پاکستان کی کامیابیوں کا اعتراف کر لیا

شرکاء کے خیالات

کشمیر کمیٹی جدہ کے چیئرمین مسعود احمد پوری نے بھی خیالات کا اظہار کرتے ہوئے میزبان تقریب کا شکریہ ادا کیا اور والدین کی اہمیت پر روشنی ڈالی۔ سابق مشیر وزیر اعلیٰ پنجاب چوہدری اظہر وڑائچ نے چوہدری اکرم گجر کو ایک بہترین تقریب کے انعقاد پر مبارکباد دی اور شرکاء کا بھی شکریہ ادا کیا۔

اختتام

تقریب کی نظامت کے فرائض چوہدری ظہیر نے بہترین انداز میں انجام دئیے۔ تقریب میں پاکستان اور کشمیر کمیونٹی کے افراد کی بڑی تعداد نے شرکت کی۔ تقریب کا اختتام پاکستان کی ترقی، خوشحالی اور مسائل کے حل کی دعا سے ہوا۔