Boris Johnson Reveals Biden’s Compliment on His Wife’s Beauty

جو بائیڈن کا برطانیہ کے دورے میں طیارہ بردار بحری جہاز پر سفر کرنے سے انکار

لندن(ڈیلی پاکستان آن لائن)سابق برطانوی وزیر اعظم بورس جانسن نے انکشاف کیا کہ امریکی صدر جو بائیڈن نے 2021 میں برطانیہ کے دورے کے دوران برطانوی طیارہ بردار بحری جہاز پر سفر کرنے سے انکار کردیا تھا جس کی انہوں نے وجہ بھی بتائی۔

یہ بھی پڑھیں: کیرن: پاکستانی سیاحوں کے گیتوں پر بھارتی شہریوں کی تالیوں کی گونج

بورس جانسن کی کتاب 'Unleashed' میں انکشافات

برطانوی اخبار ٹیلی گراف کے مطابق بورس جانسن نے کارن وال میں جی سیون سربراہی اجلاس سے قبل بائیڈن کے ساتھ اپنی ملاقات سے متعلق بتایا۔ جانسن کی کتاب 'Unleashed' کے ایک اقتباس کے مطابق جانسن اور ان کے معاونین نے اس وقت حیرانگی کا اظہار کیا جب 78 سالہ جو بائیڈن نے بحری جہاز پر سوار ہونے سے انکار کیا۔

یہ بھی پڑھیں: پنجاب بھر کی تمام 43 ڈسٹرکٹ اور 170 تحصیل بارز میں پولیس کا داخلہ بند

بائیڈن کا طیارہ بردار بحری جہاز پر سوار نہ ہونے کی وجہ

جانسن کی کتاب میں کہا گیا ہے کہ بائیڈن کے عملے نے ہمیں بتایا کہ وہ بہت سے امور کی وجہ سے ہمارے بڑے طیارہ بردار بحری جہاز پر سوار نہیں ہوں گے۔ اس چیز نے ان کی فٹنس پر بہت سے سوالات اٹھائے۔ تاہم سابق برطانوی وزیر اعظم نے ایک اور پہلو کو بھی بیان کیا۔ وہ یہ ہے کہ جو بائیڈن بورس جانسن کی اہلیہ کیری سے تھوڑے سے متاثر ہوگئے تھے۔ کیری اس وقت 33 برس کی تھیں۔

یہ بھی پڑھیں: وزیراعلیٰ مریم نواز کی خضدار میں سکول بس پر دہشت گردوں کے حملے کی شدید مذمت

کیری اور بائیڈن کا مذاق

بورس جانسن کے مطابق امریکی صدر جو بائیڈن نے اپنی اہلیہ جِل بائیڈن کے ہمراہ سربراہی اجلاس میں شرکت کی۔ جو بائیڈن نے مذاق میں کہا کہ وہ اور کیری (بورس جانسن کی اہلیہ) ساحل سمندر پر اکیلے چہل قدمی کے لیے نکل سکتے ہیں۔

کیری سے ملاقات کے دوران بائیڈن کا تبصرہ

جانسن کی کتاب میں جو کچھ بیان کیا گیا ہے اس کے مطابق بائیڈن نے کیری کو مخاطب کرتے ہوئے کہا کہ کیوں نہیں آپ اور میں ساحل سمندر پر چلتے ہیں اور اس آدمی کو یہاں چھوڑ دیں؟ اس وقت جل بائیڈن کی آنکھوں میں حیرت کے آثار دکھائی دیے۔