انسداد منشیات اسمگلنگ کارروائیوں میں 4 کروڑ 80 لاکھ سے زائد مالیت کی منشیات برآمد

منشیات کی بڑی برآمدگی

راولپنڈی (ڈیلی پاکستان آن لائن) اے این ایف نے انسداد اسمگلنگ کارروائیوں میں 4 کروڑ 80 لاکھ سے زائد مالیت کی منشیات برآمد کرلی۔

یہ بھی پڑھیں: وزیر اعلیٰ نے سوشیو اکنامک ریفارمز کے ذریعےحقیقی تبدیلی کی بنیاد رکھ دی:صوبائی وزیر سہیل شوکت بٹ

کریک ڈاؤن اور گرفتاریاں

ترجمان کے مطابق ملک کے مختلف شہروں میں منشیات اسمگلنگ اور خرید و فروخت کے خلاف کریک ڈاؤن جاری ہے، اس دوران 5 مختلف کارروائیوں میں 7 ملزمان کو گرفتار کرکے 4 کروڑ 80 لاکھ روپے سے زائد مالیت کی 210 کلوگرام منشیات برآمد کی گئی۔

یہ بھی پڑھیں: ٹرمپ کی صدارتی انتخابات میں کامیابی؛ وزیراعظم شہباز شریف سمیت دیگر کی مبارکباد

خصوصی کارروائیاں

ایک کارروائی میں سبزی منڈی کراچی کے قریب ٹرک سے 60 کلو چرس اور 13 کلو آئس برآمد کی گئی اور 2 ملزمان کو گرفتار کیا گیا۔ اسی طرح برکی روڑ لاہور کے قریب موٹر سائیکل سوار 3 ملزمان سے 2.400 کلو چرس اور 1 کلو ہیروئن برآمد کی گئی۔

یہ بھی پڑھیں: اگر اقوام متحدہ کمزور ہو گئی تو عالمی امن خطرے میں پڑ جائے گا، سربراہ ڈنمارک امور خارجہ کمیٹی کرسچن فری ایس باک کی سینیٹر عرفان صدیقی سے ملاقات میں گفتگو

مزید برآمدگیاں

اُدھر سہراب گوٹھ کراچی میں 2 مسافروں کے قبضے سے 2 کلو ہیروئن اور 2 کلو آئس برآمد ہوئی۔ اس کے علاوہ تربت کے قریب گاڑی سے 104 کلو آئس برآمد کی گئی۔ ہزار گنجی کوئٹہ کے قریب 26 کلو آئس برآمد ہوئی۔

قانونی کارروائی

تمام کارروائیوں کے انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔