مکمل تیاری ہے، گڈو بیراج پر اس وقت 6 لاکھ 27 ہزار کیوسک پانی ہے: مراد علی شاہ

وزیراعلیٰ سندھ کی گڈو بیراج پر پانی کی صورتحال کا جائزہ

کراچی (ڈیلی پاکستان آن لائن) وزیراعلیٰ سندھ سید مراد علی شاہ نے کہا ہے کہ گڈو بیراج پر پانی کی وہ صورتحال نہیں ہے جس کا امکان ظاہر کیا جارہا تھا۔ گڈو بیراج پر اس وقت 6 لاکھ 27 ہزار کیوسک پانی ہے، ساڑھے 6 لاکھ کیوسک سے زائد پانی سکھر بیراج سے گزر سکتا ہے۔

یہ بھی پڑھیں: حکومت پی ٹی آئی کی بچھائی معاشی بارودی سرنگیں ناکارہ بنا رہی ہے: طلال چودھری

وزیراعلیٰ کی میڈیا سے گفتگو

جنگ کے مطابق گڈو بیراج پر میڈیا سے گفتگو کرتے ہوئے وزیراعلیٰ سندھ نے یہ بھی کہا کہ بندوں کی صورتحال تسلی بخش ہے۔ سندھ کے لوگوں اور خاص طور پر کچے کے علاقے کے مکینوں کے شکر گزار ہیں جنہوں نے تعاون کر کے ساتھ دیا۔

حکومت سندھ کی تیاری

حکومت سندھ نے سیلاب سے متعلق مکمل تیاری کر رکھی ہے، صوبائی حکومت کی تیاریوں سے مطمئن ہوں، ہماری پہلی ترجیح لوگوں کی جان بچانا ہے۔