فیس بک پر لوگوں کو بیوقوف بنانے والے عام جھانسے

فیس بک کا تاریک پہلو

لاہور (ڈیلی پاکستان آن لائن) پاکستان سمیت دنیا بھر میں فیس بک کو پیغامات اور مصنوعات کی تشہیر و فروخت کیلئے ایک مقبول ذریعہ سمجھا جاتا ہے لیکن فیس بک کا ایک تاریک پہلو دھوکا دہی، فراڈ واقعات اور غلط معلومات کا گڑھ ہونا بھی ہے۔

یہ بھی پڑھیں: جنرل ساحر شمشاد مرزا کی عوامی جمہوریہ چین کی پیپلز لبریشن آرمی کے 98ویں یومِ تاسیس کی تقریب میں بطور مہمانِ خصوصی شرکت

آن لائن فراڈ کے انتباہی علامات

نجی ٹی وی جیو نیوز کے مطابق آن لائن ایپس پر بڑھتے فراڈ واقعات اور ا±ن کی انتباہی علامات کے حوالے سے آپ کا آگاہ رہنا ضروری ہے، ذیل میں دیے گئے نکات آپ کو اور آپ کے پیاروں کو آن لائن فراڈ سے محفوظ رہنے میں مدد دیں گے۔

یہ بھی پڑھیں: سیون جی اور دینارا ڈی سلوا نے ITF پاکستان جے 30 ٹینس چیمپئن شپ میں سنگلز ٹائٹل جیت لیے

جھوٹے بیماری کے بہانوں سے بھری پوسٹ

دھوکا دہی کرنے والے افراد اکثر اپنے فائدے کے لئے خود یا پھر اپنے کسی پیارے کے جان لیوا بیماریوں میں مبتلا ہونے کا دعویٰ کرتے ہیں، ساتھ ہی میڈیکل بلز کی ادائیگی کیلئے آپ سے مدد طلب کرتے ہیں۔ ایسے افراد عطیات کیلئے کسی تھرڈ پارٹی ایپ کا یا پھر مختلف کانٹیکٹس نمبرز کا سہارا لیتے ہیں لیکن یاد رکھیں ایسی پوسٹس پر دھوکا دینے والوں کی ایک لمبی فہرست پائی جاتی ہے۔

یہ بھی پڑھیں: البانوی وزیر اعظم نے امریکہ کو شیطان قرار دیا

کلک بیٹس جھانسا

آن لائن فراڈ کرنے والے افراد 'لائیک فارمنگ' یا پھر 'کلک بیٹ سکینڈل' کے ذریعے سوشل میڈیا صارفین کو دھوکا دے سکتے ہیں۔ دھوکا باز ایسی پوسٹس تیار کرتے ہیں جس پر صارفین شدید جذباتی ردعمل کا اظہار کریں یا پھر آپ کو لائکس، تبصرے اور شیئرز کی صورت پرکشش تحائف کی آفر کی جاتی ہے لہٰذا بہتر ہے کہ ایسی پوسٹ کو دیکھ کر محتاط رہیں۔

یہ بھی پڑھیں: ایرانی ایٹمی توانائی ادارے نے جوہری سائٹس پر حملوں کی تصدیق کردی

تحائف کا جھانسا

مثال کے طور پر آپ کو فیس بک پر ایک پوسٹ نظر آتی ہے جس میں کہا جاتا ہے کہ فری آئی پیڈ کے حصول کیلئے سائن اپ کریں لیکن ایسے دھوکے بازوں سے ہوشیار رہیں کیونکہ آن لائن فراڈیے صارفین کو جھوٹے تحائف دے کر ان کی ذاتی معلومات یا پھر مختلف لنک کلکس کے ذریعے ان کے موبائل فون یا کمپیوٹر پر وائرس ڈاؤن لوڈ کرسکتے ہیں، یہ فراڈیے فیس بک کے ساتھ انسٹاگرام پر بھی بڑی تعداد میں پائے جاتے ہیں۔

یہ بھی پڑھیں: آج جمعہ کو موسم کیسا رہے گا؟ محکمہ موسمیات نے بتا دیا

فیس بک کوئز کا جھانسا

مختلف فیس بک کوئز صارفین کی ذہنی اور جذباتی سوچ کو مد نظر رکھ کر تیار کی جاتی ہیں تاکہ ان کوئز کے ذریعے صارفین کی ذاتی معلومات حاصل کرکے ان کے اکاونٹس تک رسائی حاصل کی جاسکے۔ ڈیٹا رسک سروسز فرم سائبر سکاوٹ کے بانی ایڈم لیون کے مطابق کچھ 'فیس بک کوئزز' میں آپ کے پروفائل تک رسائی کیلئے آپ سے ذاتی معلومات کے سوال پوچھے جاتے ہیں مثلاً "آپ کی والدہ کے نام کا پہلا لفظ کیا ہے؟" ایسے سوالات ہیکرز کو آپ کے پاس ورڈز تک رسائی میں مدد دیتے ہیں لہٰذا ایسے کوئز سے اجتناب بہتر ہے۔

جعلی پیغامات اور جعلی آئی ڈی کا جھانسا

فیس بک پر جعلی میسیجز آپ کو اپنے دوستوں کی آئی ڈی کے ذریعے بھی بھیجے جاسکتے ہیں لہٰذا ہر پوسٹ اور پیغام پر یقین نہ کریں اور کسی بھی پیغام پر دوست سے کسی اور ذریعے سے ضرور رابطہ کریں۔ دوسری جانب آن لائن فراڈیے دوسروں کی شناخت چوری کر کے آپ سے فائدہ حاصل کرسکتے ہیں لہٰذا فیس بک پر اپنے جیسے اکاو¿نٹ کے لئے اپنا نام تلاش کریں اور دوستوں سے پوچھیں کہ کیا انہیں آپ کے جیسے اکاو¿نٹ سے کوئی ریکوئسٹ تو نہیں بھیجی گئی۔ اگر ایسا ہو تو ایسی پروفائلز کو فوری رپورٹ کریں۔