سابق صدر عارف علوی کے خلاف مقدمہ درج کرنے کی درخواست پر تحریری فیصلہ جاری

سابق صدر پاکستان کے خلاف مقدمہ

اسلام آباد(ڈیلی پاکستان آن لائن) سابق صدر پاکستان عارف علوی کے خلاف اندراج مقدمہ کی درخواست پر عدالت نے تحریری فیصلہ جاری کر دیا۔

یہ بھی پڑھیں: ہمیں ہلکے میں مت لینا، آئی پی ایل کھیلنے آئے تو ماریں گے: بنگلہ دیشی کرکٹرز بھارتی انتہا پسند ہندوؤں کے نشانے پر، شاہ رخ خان کو بھی دھمکیاں

عدالت کا فیصلہ

نجی ٹی وی چینل دنیا نیوز کے مطابق ایڈیشنل سیشن جج شفقت شہباز راجہ کی جانب سے جاری فیصلے میں کہا گیا ہے کہ اگر کوئی غیر قانونی اقدام ہوا ہے تو ایف آئی اے قانون کے مطابق کارروائی کرے۔ عدالت نے ایف آئی اے کو معاملے پر ضابطے کی کارروائی مکمل کرنے کی ہدایت دی ہے۔

یہ بھی پڑھیں: یونان کشتی حادثہ، ملزم کی 2مقدمات میں درخواست ضمانت خارج

درخواست گزار کا مؤقف

درخواست گزار شہزادہ عدنان نے اپنے وکیل مدثر چوہدری ایڈووکیٹ کی وساطت سے دائر درخواست میں مؤقف اپنایا تھا کہ عارف علوی نے بیرون ملک اپنی تقریر کے دوران توہین آمیز الفاظ استعمال کیے۔ اس حوالے سے ایف آئی اے کو مقدمہ درج کرنے کی درخواست دی گئی لیکن کوئی کارروائی نہیں کی گئی۔

عدالت سے استدعا

درخواست میں عدالت سے استدعا کی گئی تھی کہ عارف علوی کے خلاف مقدمہ درج کرنے کا حکم دیا جائے۔