کراچی میں پسند کی شادی کرنے والی لیڈی ڈاکٹر نے شوہر کے رویے سے دلبرداشتہ ہوکر خودکشی کرلی

خودکشی کا واقعہ

کراچی (ڈیلی پاکستان آن لائن) اسکاؤٹ کالونی میں چند سال قبل پسند کی شادی کرنے والی لیڈی ڈاکٹر مشال نے شوہر کے رویے سے دلبرداشتہ ہوکر نالے میں کود کر خودکشی کرلی۔

یہ بھی پڑھیں: برکس اجلاس میں بھارت کو سفارتی محاذ پر ایک اور ناکامی کا سامنا، اعلامیہ میں کیا شامل نہ کروا سکا؟ جانیے

پسند کی شادی اور شوہر کا رویہ

پولیس نے بتایا ہے کہ لیڈی ڈاکٹر نے چند سال قبل حسنین نامی شخص سے پسند کی شادی کی تھی اور ان کا آبائی تعلق گلگت بلتستان سے ہے۔ ان کے لواحقین سے رابطے میں ہیں۔ ڈاکٹر مشال کراچی کے علاقے اسکاؤٹ کالونی میں اپنے شوہر کے ساتھ رہائش پذیر تھی جو دوسری شادی کرنا چاہتا تھا۔ اس بات کو لے کر میاں بیوی میں لڑائی جھگڑا چل رہا تھا۔

واقعے کی تفصیلات

ڈاکٹر مشال نے شوہر کے رویے سے دلبرداشتہ ہوکر نالے میں کود کر خود کشی کرلی، تاہم اب تک ان کی لاش نہیں مل سکی ہے جس کے لیے ریسکیو آپریشن جاری ہے۔ لیڈی ڈاکٹر کی لاش ملنے کے بعد واقعے کی مزید تحقیقات ہوسکیں گی۔