عمرہ ویزے کی آڑ میں ملازمت کے لیے سعودی عرب جانے والے 16 مسافروں کو آف لوڈ کردیا گیا

ایئرپورٹ پر ایف آئی اے کی کارروائی

پشاور (ڈیلی پاکستان آن لائن) ایف آئی اے امیگریشن کی ایئرپورٹ پر کارروائی کے دوران، عمرہ ویزے کی آڑ میں ملازمت کے غرض سے سعودی عرب جانے والے 16 مسافروں کو آف لوڈ کردیا گیا۔

یہ بھی پڑھیں: انقلابی چی گویرا کارکنان کو چھوڑ کر اچانک غائب: عظمیٰ بخاری

مسافروں کی معلومات اور واپسی

ترجمان کے مطابق، آف لوڈ کئے گئے مسافر کم عمر تھے اور اکیلے سفر کر رہے تھے۔ ان مسافروں کو عمرہ کے طریقہ کار کے بارے میں بھی کوئی معلومات نہیں تھیں۔ آف لوڈ ہونے والے مسافروں کے پاس سفری اخراجات کے حوالے سے 50 سے 200 ریال فی کس برآمد ہوئے۔

یہ بھی پڑھیں: کراچی: طلائی زیورات پہنے لڑکی کی تشدد زدہ لاش برآمد

غیر قانونی کام کی کوشش

مسافر عمرہ ویزے پر سعودی عرب جا کر غیر قانونی طور پر کام کرنا چاہتے تھے۔ ان مسافروں نے کرک کے رہائشی ایجنٹ ابرار کو فی کس 3 لاکھ 50 ہزار روپے دئیے تھے۔

قانونی کارروائی

ترجمان ایف آئی اے کا کہنا تھا کہ مسافروں کو مزید قانونی کارروائی کے لیے اینٹی ہیومن ٹریفکنگ سرکل پشاور منتقل کر دیا گیا۔