قومی ٹیم کی آج ہونے والی پریس کانفرنس منسوخ کر دی گئی

پریس کانفرنس کی منسوخی

دبئی(ڈیلی پاکستان آن لائن) میں پاکستانی کرکٹ ٹیم کی آج ہونے والی پریس کانفرنس منسوخ کر دی گئی۔ جیو نیوز کے مطابق پاکستانی کھلاڑی نے آج شام ساڑھے 7 بجے پریس کانفرنس کرنا تھی تاہم اب اسے منسوخ کر دیا گیا ہے۔

یہ بھی پڑھیں: اے آری وائی کی شان رمضان نشریات میں بچوں کا حصہ: عمراحمد کا انتقال کیسے ہوا؟ وسیم بادامی نے وجہ بتا دی

پریکٹس سیشن

آج رات 9 بجے پاکستانی ٹیم کی پریکٹس پروگرام کے مطابق ہوگی۔ صورتحال تبدیل ہوئی تو پریکٹس بھی منسوخ ہوسکتی ہے۔ ایشیا کپ میں پاکستان اور متحدہ عرب امارات کے درمیان میچ کل کھیلا جائے گا۔

آئی سی سی کا فیصلہ

واضح رہے کہ آئی سی سی نے پاکستان کرکٹ بورڈ کا ایشیا کپ سے میچ ریفری اینڈی پائی کرافٹ کو ہٹانے کا مطالبہ مسترد کردیا۔ آئی سی سی نے پاکستان کرکٹ بورڈ کے میچ ریفری سے متعلق مطالبے کو مسترد کیے جانے سے بورڈ کو باضابطہ طور پر آگاہ کردیا ہے جس کے بعد پی سی بی کی جانب سے مستقبل کے لائحہ عمل کے لیے حکومت سے مشاورت کا امکان ہے۔