قائمہ کمیٹی نے غلط پیش گوئیوں پر محکمہ موسمیات حکام کو آڑے ہاتھوں لے لیا، کہا 4 دن بارش بتائی مگر ایک قطرہ بھی نہیں گرا۔

اجلاس کا آغاز

اسلام آباد (ڈیلی پاکستان آن لائن) قومی اسمبلی کی قائمہ کمیٹی برائے آبی وسائل کا اجلاس چیئرمین احمد عتیق انور کی زیرِ صدارت ہوا جس میں اراکین کمیٹی نے غلط پیشگوئیوں پر محکمہ موسمیات کو آڑے ہاتھوں لے لیا۔

یہ بھی پڑھیں: سیمنٹ کی برآمدات میں 28 فیصد اضافہ، مقامی کھپت میں 7 فیصد کمی ریکارڈ

محکمہ موسمیات پر تنقید

ڈان نیوز کے مطابق رکن قائمہ کمیٹی میر منور علی نے کہا کہ محکمہ موسمیات کی زیادہ تر خبریں غلط نکل آتی ہیں، ایک بارمحکمہ موسمیات نے4 دن بارش بتائی مگر ایک قطرہ بارش نہیں ہوئی۔

یہ بھی پڑھیں: عوام کام کاج چھوڑ کر جاتے ہیں، نادرا کا رویہ بالکل ٹھیک نہیں: سندھ ہائیکورٹ برہم

بارش کے بارے میں تجربات

رکن قائمہ کمیٹی شازیہ مری نے کہا کہ جس دن محکمہ موسمیات کہتا ہے آج بارش نہیں ہوگی اس دن ہوجاتی ہے، ہم بارش کا سن کر چھتری لیکر نکلتے ہیں تو بارش ہی نہیں ہوتی۔

یہ بھی پڑھیں: ایشوریا رائے بچن کی سندور بھری مانگ، طلاق کی افواہیں دم توڑ گئیں

بجٹ اور ملازمین کی تعداد

بتایا جائے محکمہ موسمیات کا بجٹ کتنا ہے اور ملازمین کتنے ہیں؟ جس پر ڈائریکٹر جنرل محکمہ موسمیات نے جواب دیا کہ میٹ ڈیپارٹمنٹ کا بجٹ 4 ارب روپے اور ملازمین 2430 ہیں۔

بجٹ کی تفصیلات اور ٹیکنالوجی کا جائزہ

چیئرمین قائمہ کمیٹی احمد عتیق انور نے کہا کہ کسی دن محکمہ موسمیات چلتے ہیں اور سسٹم کا جائزہ لے لیتے ہیں، ہم دیکھیں گے کہ محکمہ موسمیات کی پیش گوئیاں کیوں نہیں درست ہوتیں۔ یہ بھی دیکھیں گے کہ محکمہ موسمیات کے پاس ٹیکنالوجی کون سی ہے۔