بانی پی ٹی آئی عمران خان کی جانب سے چیف جسٹس کے نام خط سوشل میڈیا پر وائرل،صحافی صدیق جان نے ترجمہ کر کے سنا دیا

عمران خان کا چیف جسٹس کو خط

اسلام آباد (ڈیلی پاکستان آن لائن) کی بانی پی ٹی آئی عمران خان کی جانب سے چیف جسٹس پاکستان کے لئے لکھا گیا خط سوشل میڈیا پر وائرل ہو رہا ہے۔ صحافی صدیق جان نے خط کا باقاعدہ ترجمہ کر کے ویڈیو اپ لوڈ کی ہے۔

چیف جسٹس کو عمران خان کا مکمل خط منظر عام پر، اسے ہر جگہ پھیلا دیں pic.twitter.com/BIJQSvWOnf

— Faisal Khan (@KaliwalYam) September 18, 2025

یہ بھی پڑھیں: ہرنائی میں جھڑپ، 3 دہشتگرد ہلاک، میجرسمیت 2 جوان شہید

خط کے مندرجات

خط میں عمران خان نے دعویٰ کیا ہے کہ ان پر اور ان کی اہلیہ پر انصاف کے دروازے بند ہیں۔ وہ 772 دنوں سے تنہائی کی قید میں ہیں، جہاں 9×11 کے کمرے کو ان کے لیے پنجرہ بنا دیا گیا ہے۔ ان کے خلاف 300 سے زائد سیاسی مقدمات قائم کیے گئے ہیں، جو پاکستان کی تاریخ میں بے مثال ہیں۔

یہ بھی پڑھیں: امریکہ کو مذاکرات کے لیے کوئی درخواست نہیں، ایران نے ٹرمپ کی تردید کردی

بشریٰ بی بی کی صحت اور قید کی حالت

اہلیہ بشریٰ بی بی کی صحت بگڑ رہی ہے مگر ان کو علاج کے لیے ڈاکٹروں سے معائنہ کرنے کی اجازت نہیں دی جا رہی ہے۔ ان کو تنہائی میں رکھا گیا ہے اور علاج و کتب تک رسائی سے بھی محروم کیا گیا ہے۔

یہ بھی پڑھیں: چیف جسٹس یحییٰ آفریدی چیئرمین سپریم جوڈیشل کونسل بن گئے

قیدیوں کے حقوق کی خلاف ورزی

عمران خان نے مؤقف اختیار کیا کہ خواتین قیدیوں کو ضمانت میں رعایت دینا قانون کا حصہ ہے، مگر بشریٰ بی بی کو یہ حق بھی نہیں دیا جا رہا۔ اہلخانہ اور وکلا سے ملاقات کرائی جاتی ہے اور نہ ہی بیٹوں سے فون پر بات کرنے کا بنیادی حق دیا جا رہا ہے، یہ نہایت سوچا سمجھا نفسیاتی تشدد ہے۔

یہ بھی پڑھیں: گھوٹکی میں نامعلوم افراد نے بھینس کی زبان کاٹ دی

سیاسی قیدیوں کی تعداد

مزید الزام عائد کیا گیا ہے کہ ہزاروں کارکنان اور حامی اب بھی جیلوں میں بند ہیں۔ بھانجے حسن نیازی کو فوجی حکام نے حراست میں لے کر اذیت دی اور 10 سال قید کی سزا سنائی گئی۔

یہ بھی پڑھیں: کیا کبھی غلط کام کی پیشکش ہوئی ہے ؟ وینا ملک کے جواب سے سب حیران

عدلیہ کے کردار پر تنقید

خط میں یہ مؤقف اختیار کیا گیا کہ عدلیہ کو سیاسی جماعت توڑنے کے ہتھیار کے طور پر استعمال کیا جا رہا ہے۔ تحریک انصاف نے 8 فروری 2024 کے انتخابات جیتے مگر عوامی مینڈیٹ راتوں رات چھین لیا گیا۔

انصاف کی ضرورت

عمران خان نے خط میں چیف جسٹس سے اپیل کی کہ بیٹوں سے فون پر بات کرنے کی اجازت دی جائے اور بشریٰ بی بی کو علاج کے لیے ڈاکٹروں تک فوری رسائی فراہم کی جائے۔ پاکستانی عوام سپریم کورٹ کو انصاف کی آخری پناہ گاہ سمجھتے ہیں اور عدلیہ کی خودمختاری بحال ہونی چاہیے۔

عمران خان کے چیف جسٹس کو خط کا مکمل اردو ترجمہ صدیق جان کی زبانی

بہت ہی شاندار خط لکھا گیا ہے pic.twitter.com/xNRAAnm88I

— Ahmad Hassan Bobak (@ahmad__bobak) September 18, 2025